2020 წელი დასასრულს უახლოვდება, მსოფლიოს თითქმის ყველა ქვეყანაში ადამიანები წლის ერთ-ერთ ყველაზე მნიშვნელოვან დღეს ელიან, ახალი წლის ღამე ერთ-ერთი ყველასათვის საყვარელი დღესასწაულია, ოჯახებში აწყობენ საშობაო დეკორაციებს, რთავენ ნაძვის ხეებს და ამზადებენ სადღესასწაულო კერძებს, რათა აიმაღლონ საახალწლო განწყობა და მომზადებულები შეხვდნენ დამდეგ ახალ წელს.
საზოგადოების დიდი ნაწილი დაეთანხმება იმ მოსაზრებას, რომ სადღესასწაულო განწყობის ასამაღლებლად ერთ-ერთი ყველაზე კარგი გზა საახალწლო მელოდიების მოსმენაა, ერთ-ერთი ყველაზე პოპულარული და გამორჩეული კი მერაია ქერის საკულტო სინგლი All I Want For Christmas Is You-ია (Columbia) რომელიც გამოსვლიდან (1994 წელი) დეკადების გასვლის შემდეგ პირველად გახდა დიდ ბრიტანეთში ნომერ პირველი სინგლი.
