„შაომი“ − ეს არის ყველასთვის კარგად ნაცნობი ელექტროტექნიკის გიგანტით, რომელიც ინოვაციური და ხარისხიანი პროდუქციის წარმოებით გამოირჩევა. „შაომი“ მოთხოვნადია მთელი მსოფლიოს მასშტაბით, რადგან მისი ხარისხი ყოველთვის ამტკიცებს ბრენდის სანდოობასა და უტყუარობას. საქართველოში სულ ახლახან გაიხსნა „შაომის“ პირველი ოფიციალური მაღაზია და პირველსავე დღიდან წარმატებულად დაიწყო ქართულ ბაზარზე ოპერირება.
რამდენი ხანია, რაც „შაომი“ ქართულ ბაზარზე ოპერირებს?
ბრენდი „შაომი“ უკვე მრავალი წელია ძალიან ბევრ ქვეყანას იპყრობს და წარმატებულად ოპერირებს მთელი მსოფლიოს მასშტაბით. საქართველოში კი, მისი ოფიციალური მაღაზია 2020 წლის 9 ნოემბერს პეკინის N14-ში გაიხსნა და უკვე თითქმის ერთი თვეა, მაღალი სტანდარტითა და ხარისხით ემსახურება მომხმარებელს.
გვესაუბრეთ მომსახურებაზე.
ჩვენთან შემოსულ მომხმარებელს დახვდებიან გაყიდვების მაღალკვალიფიციური მენეჯერები, რომლებიც სრულყოფილად გააცნობენ იმ ინოვაციურ და ჭკვიან ტექნიკას, რომელიც წარმოდგენილია შოურუმში. ჩვენთვის ძალიან მნიშვნელოვანია კმაყოფილი მომხმარებელი. შესაბამისად, მაქსიმალურად ვზრუნავთ მათზე და ვცდილობთ სრული კომფორტი შევუქმნათ თითოეულ ნაბიჯზე.
ვინ არიან თქვენი ძირითადი მომხმარებლები?
მაღაზიაში წარმოდგენილი გვაქვს პროდუქციის საკმაოდ დიდი და მრავალფეროვანი არჩევანი. შესაბამისად, პროდუქტები მორგებულია ყველა ტიპისა და ასაკის მომხმარებელზე. განსაკუთრებით კი დიასახლისებზე, რომლებსაც საგრძნობლად უმარტივებს ცხოვრებას ჩვენი ტექნიკა, ვინაიდან ყველაფერი სენსორზეა და ფაქტობრივად თავად აკეთებს იმას, რასაც აქამდე ჩვენი ხელით ვაკეთებდით.
გვესაუბრეთ ხარისხზე.
„შაომის“ პროდუქციას აქვს აწყობის ძალიან მაღალი ხარისხი, გამოირჩევა პრემიალური და მინიმალისტური ვიზუალით და რაც ყველაზე მნიშვნელოვანია, აქვს 6-თვიანი ან 1-წლიანი შეცვლითი გარანტია.
უნდა აღინიშნოს, რომ ბრენდი ცნობილია უმაღლესი ხარისხის პროდუქციით, რაც კიდევ ერთხელ გვაძლევს იმის საშუალებას, რომ ამაყად ვიდგეთ და კონკურენცია გავუწიოთ ბაზარზე არსებულ სხვა ბრენდებს.
რა სახის სიახლეებს უნდა ელოდნენ თქვენი მომხმარებლები ახლო მომავალში და როგორია თქვენი სამომავლო გეგმები?
რაც შეეხება სამომავლო გეგმებს, რა თქმა უნდა, ვგეგმავთ ფილიალების გახსნას როგორც თბილისში, ასევე რეგიონებში. გარდა ამისა, მომხმარებლებს პერმანენტულად შევთავაზებთ სიახლეებს და ყველა იმ პროდუქტს, რომელსაც ბრენდი აწარმოებს.
ასე რომ, „შაომი“ მუდმივად გაანებივრებს თავის მომხმარებლებს ინოვაციური პროდუქციითა და განსაკუთრებული სიახლეებით.
