ვარსკვლავების უმეტესობა შესაშური სხეულის ფორმებით გამოირჩევა: ზოგიერთ მათანს გენები წყალობს, ზოგს კი ამის მისაღწევად დიდი შრომა სჭირდება. მათ დიეტოლოგები და მწვრთნელები ეხმარებიან, რომლებმაც პროფესიონალური ხრიკები იციან. წარმოგიდგენთ სპეციალისტების იმ საიდუმლოებებს, რომელსაც სახლის პირობებში დაიცავთ.
#1 უარი თქვით კვერცხზე საუზმისას
ორგანიზმს დილას მიღებული კვერცხის ცილის გადამუშავება უჭირს. ცოტახანში თქვენ ისევ შიმშილის გრძნობა შეგაწუხებთ და ტკბილეულისკენ გაგექცევათ თვალი, რომელიც წონის მატებას უწყობს ხელს. ომლეტი და კვერცხი სჯობს დღის მეორე ნახევარში გადაიტანოთ.
ჩენინგ ტატუმი დღეში 3 საათს სავარჯიშო დარბაზში ატარებს და მიუხედავად სწრაფი კვების სიყვარულისა ჯანსაღი საუზმის წესებს იცავს.
#2 დაიწყეთ დღე არა ყავის ჭიქით, არამედ ლიმნიანი წყლით
ლიმონი ღვიძლის ჯანრთელობაზე აგებს პასუხს, მასში ბევრი ვიტამინი და ფერმენტია. თბილი წყალი კუჭ-ნაწლავს ასვენებს და ასუფთავებს. წყალში ლიმნის რაოდენობა ადამიანის წონაზეა დამოკიდებული: ის შეიძლება მეოთხედი იყოს ან მთლიანი.
კრის პრატი უალკოჰოლო დიეტაზე ზის და ვარჯიშს ყოველდღიურად 4 საათს უთმობს.
#3 დალიეთ სმუზი და არა წვენები
სმუზი ორგანიზმს ენერგიით ავსებს და ნაკლებ კალორიას შეიცავს. ამასთან, სისხლში შაქრის რაოდენობას არეგულირებს. ბოსტნეულისა და ხილის არევა ბლენდერში სასარგებლო სითხეს ქმნის.
ფერგი ყოველთვის შესაშური სხეულით გამოირჩეოდა, თუმცა მშობიარობის შემდეგ ტანის დასაბრუნებლად დიდი ძალისხმევა დასჭირდა. შედეგს ყოველდღიური კარდიო ვარჯიშებით, სირბილით და სწორი კვებით მიაღწია.
#4 არ მიირთვათ დიდი რაოდენობით ცილა
ადამიანებისთვის, რომლებსაც გახდომა სურთ, პროტეინი რაციონის მთავარი შემადგენელი ნაწილი ხდება. დიდი რაოდენობით ცილა კუჭ-ნაჭლავის პრობლემებს წარმოშობს.
დრიუ ბერიმორმა სასურველი როლის მისაღებად იოგას, ჰიპ-ჰოპის ცეკვას და სწორ კვებას მიმართა.
#5 ყოველ 10 დღეში ვარჯიშები შეცვალეთ
კუნთები ერთი და იგივე ვარჯიშს ეჩვევიან და სასურველი შედეგის მიღწევა უფრო რთული ხდება. იმისთვის, რომ აქტივობები ეფექტური იყოს, ყოველ 10 დღეში ისინი უნდა შეცვალოთ.
კარიერაში შესვენების შემდეგ, ბრიტნი სცენაზე წარმატებულად დაბრუნდა. მომღერალი კვირაში 3-4ჯერ ვარჯიშობს. დიდ დროს კარდიო ვარჯიშებს, გაწელვას და სირბილს უთმობს.
#6 ივარჯიშეთ დღის პირველ ნახევარში
ადამიანების უმეტესობა ვარჯიშს საღამოს საათებში ამჯობინებს, თუმცა საღამოს დატვირთვა უნდა შევამციროთ.
კრისტინა აგილერამ რამდენჯერმე გაიმარჯვა ზედმეტ წონაზე. მომღერალმა მავნე პროდუქტებზე საბოლოოდ თქვა უარი. ის დღეს სირბილით იწყებს და კვირაში 5 დღე დროს სავარჯიშო დარბაზში ატარებს.
#7 სპორტულმა სასმელმა და პროტეინების ფილებმა არ გაგიტაცოთ
დარწმუნებული ხართ, რომ ფილა პროტეინებს შეიცავს? მასში მართლაც არის შაქარი და ცოტაოდენი ცილა, მაგრამ მას თევზს, კვერცხს ან თხილს ვერ შევადარებთ. სპორტული სასმელები კი შაქარს, ნატრიუმს და კოფეინს შეიცავს და საკვების გადამუშავებაზე შესაძლოა უარყოფითად იმოქმედოს.
ჯონა ჰილს 40 კილოს დაკლება გამოუვიდა. მან უარი თქვა ალკოჰოლზე, გაზიან სასმელზე, სწრაფ კვებაზე და ტკბილეულზე.
