მნიშვნელოვანი პროგრესის მიუხედავად, კაცობრიობამ ის ჯადოსნური აბები ჯერ კიდევ ვერ შექმნა, რომელიც ნებისმიერ ჩვენგანს მუდამ იდეალურ ფორმაში ამყოფებს. იმისთვის, რომ მნიშვნელოვან შედეგს დამოუკიდებლად მივაღწიოთ, ჩვევები ცოტათი უნდა გავაუმჯობესოთ. წარმოგიდგენთ 7 რჩევას, რომელიც თქვენს სხეულს მუდამ კონტროლის ქვეშ ამყოფებს:
#1 ივარჯიშეთ სახლში
მისაღები ოთახი სავარჯიშო გარემოდ აქციეთ, ამაში კი Youtube დაგეხმარებათ. იპოვნეთ თქვენთვის სასურველი სავარჯიშო არხი და კვირაში ერთხელ მაინც მიჰყევით ვიდეოებს. ესეც თქვენი ფიტნეს ინსტრუქტორი ფინანსური დანახარჯის გარეშე. რამდენიმე თვის რეგულარული ვარჯიში თქვენ სხეულს გააუმჯობესებს.
#2 10 წუთიან ვარჯიშსაც კი აქვს აზრი
თუ დატვირთული გრაფიკი დიდხანს ვარჯიშის საშუალებას არ გაძლევთ, მასზე უარის თქმა მაინც არაა მიზანშეწონილი. არსებობს 7 და 10 წუთიანი პროგრამებიც, რომელიც მუცელსა და პრესს ტონუსში ამყოფებს.
#3 ყოველ კვირას ერთი სასარგებლო რჩევა დაიმატეთ
დღეში ორი ლიტრი წყლის დალევა, დაძინებამდე გაწელვა, სეირნობა ძაღლთან ერთად სირბილით ჩაანაცვლეთ და წლის ბოლოს ნახავთ როგორი უკეთესი გახდება თქვენი ცხოვრების წესი.
#4 იარეთ ყოველთვის და ყველგან
ლიფტს კიბე არჩიეთ, ტრანსპორტს ფეხით მისვლა. იმისთვის, რომ საკუთარ თავს მოტივაცია მისცეთ, სმარტფონში ნაბიჯების მთვლელი გადმოიწერეთ, რომელიც გავლილ კილომეტრებს დაგითვლით. ფეხით სიარული ფიტნესის ერთ-ერთი საუკეთესო ვარიანტია.
#5 იყიდეთ უნივერსალური სპორტული ინვენტარი
თუ სპორტული რუტინის გაუმჯობესება გსურთ, ინვესტიცია მობილურ ინვენტარში ჩადეთ. მისი წაღება ყველგან მარტივია და ცოტა ადგილს მოითხოვს. ასევე ეფექტურია სახტუნაო.
#6 გაიკეთეთ პრესის მასაჟი
ეს ვარჯიში დაგეხმარებათ გათავისუფლდეთ ცხიმისგან, რომელიც მუცლის გარშემო გროვდება. დაწექით იატაკზე, აწიეთ ფეხები 45 გრადუსზე, 20 წამის განმავლობაში ფეხები გაახურეთ, მუცელი ხელისგულებით დაიზილეთ და ვარჯიშს შეუდექით.
#7 ხასიათს მიაქციეთ ყურადღება
ხასიათი თქვენთვის ყოველთვის პრიორიტეტული უნდა იყოს. თუ ვარჯიში სიამოვნებას არ განიჭებთ, ის უნდა ჩაანაცვლოთ. ექსპერიმენტები სხვადასხვა სპორტის სახეობებით ჩაატარეთ და თქვენთვის მაქსიმალურად კომფორტული ვარჯიში მოძებნეთ. ეს არამხოლოდ ცხოვრების ჰარმონიას გძენთ, არამედ შედეგებსაც გამოიღებს: როცა ვარჯიში გიხარიათ მას არ დაივიწყებთ!
