2014 წელს, ნინა შენგელიას გადაწყვეტილება, რომ გატაცება საყვარელ საქმიანობადაც ექცია, იოგას სტუდიის დაარსების წინაპირობად იქცა. მას შემდეგ, მიზნად დაისახა, რაც შეიძლება მეტ ადამიანს ჰქონოდა საშუალება იოგას პრაქტიკას გაცნობოდა. ჩანაფიქრი შედეგად იქცა და სწორედ ამიტომ, „არია იოგას“ წლების განმავლობაში უამრავი ერთგული და ახალბედა ვიზიტორი სტუმრობს.

ნინა, რა სახის იოგას სთავაზობს „არია იოგა“ მომხმარებელს?
„არია იოგას“ სტუდიაში იოგას მოდერნიზებული ვარჯიშები დაინერგა. მათ შორისაა იოგას სხვადასხვა მიმდინარეობის − აშტანგას, ხათხას და ვინიასას კომბინირებული, ერთსაათიანი პრაქტიკა, რომელიც შემდეგნაირად ფორმულირდა: ანტისტრესის, მედიტაციის, ანუ სუნთქვითი ვარჯიში, ბალანსის, პრესის, ხერხემლისა და ზურგის გამაჯანსაღებელი ვარჯიშების (როგორც ჯგუფური, ისე ინდივიდუალური) პრაქტიკა. ასევე ტარდება ვარჯიშები იოგას ბორბლით, რომელიც ყველა სახის ვარჯიშით მიღებულ შედეგს უფრო ეფექტურს ხდის. გვაქვს ანტიგრავიტაციული იოგაც, ანუ ვარჯიში იოგას ჰამაკებით.

როგორ ფიქრობთ, რა ნიშნით შეძლო „არია იოგამ“ გამორჩეული ნიშის დამკვიდრება?
წარმატების მიზეზი ალბათ ის გახდა, რომ მუდმივად ვცდილობთ მომხმარებლისთვის სხვადასხვა საინტერესო პროდუქტისა თუ სერვისის შეთავაზებას.
სისტემატურად ხორციელდება იოგას ე.წ. „რითრითი“ − რეკრეაციული დასვენება საქართველოს თითქმის ყველა რეგიონში. ტურები არაერთხელ შედგა: Rooms Hotel Kazbegi, Rooms Hotel Bakuriani, Lopota Lake Resort and Spa, Kvareli Lake Resort, Castello Mare Hotel & Wellness Resort, Chateau Mere, Crowne Plaza Borjomi, Borjomi Likani და სხვა სივრცეებში. დიდ მადლობას ვუხდი თითოეულს ჩვენთან ერთგული თანამშრომლობისა და სამომავლო ურთიერთობის საინტერესო პერსპექტივებისთვის.

წარმატებით ჩატარებული აღნიშნული ტურებიდან გამომდინარე, იოგას გასვლითი, 30-კაციანი „რითრითი“ იოგას სამშობლოშიც შედგა და ინდოეთის სამხრეთ სანაპირო მხარეს, კერალასაც ვესტუმრეთ.

მახსოვს გამომგზავრების დღეს ჩვენი საყვარელი მომხმარებლის ემოციები, გულაჩუყებული სახეები და სურვილი, რაც შეიძლება ახლო მომავალში კიდევ დავბრუნებულიყავით საზღვრებს გარეთ. თუმცა დღევანდელი პანდემიური რეალობიდან გამომდინარე, ჯერჯერობით ამ მხრივ ვერაფერს ვგეგმავთ.

გვიამბეთ იმ პროდუქციის შესახებაც, რომელსაც სტუდია წარმოადგენს?
გვაქვს იოგას ხაზის ისეთი მაღალხარისხიანი კანადური ბრენდის მაღაზია, როგორიცაა Lululemon-ი, ასევე სუპერმარკეტების ქსელ „ჯორჯიტას“ საუკეთესო ბიოპროდუქცია.

Nesti Dante − ტანისა და სახის მოვლის საუკეთესო ხაზი Yeso, სხვადასხვა საკვები პროდუქტი და ა.შ. – „არია იოგას“ სტუდიაშია თავმოყრილი.

ჩვენთან Chairina-ს ეკოლოგიურად სუფთა, ნატურალური, პრემიუმკლასის ჩაიც დაგხვდებათ. პროდუქტი არის სინგაპურიდან და მისი შეძენა ჯერჯერობით მხოლოდ „არია იოგაში“ შეგიძლიათ.

ვინ არიან ინსტრუქტორები, რომლებიც „არია იოგას“ წარმატების უკან დგანან?
გვყავს მხოლოდ ინდოელი ინსტრუქტორები. ფებინ ვარგასი სტუდიის დაარსების დღიდან ჩვენი სამაგალითო ინსტრუქტორია, რომლის მთავარი ინტერესია თავისი ცოდნა და გამოცდილება ჩვენს მომხმარებელს გაუზიაროს. მინდა დიდი მადლობა გადავუხადო ფებინს ასეთი პროფესიონალიზმისთვის და იმისთვის, რომ მისი მომღიმარი გამომეტყველება, დადებითი ხასიათი ყოველთვის გადამდებია. რაც შეეხება მის კვალიფიკაციას, ამაზე თავს აღარ მოგაწყენთ, ვისაც ერთხელ მაინც გამოუცდია მისი პრაქტიკა, მჯერა, ყველა დაემოწმება მის საოცარ უნარჩვევებს.

ნიშანტ სინგჰი ჩვენს გუნდს 2019 წლის ბოლოს შემოუერთდა. წარმომავლობით რიშიკეშიდან არის − ადგილიდან, რომელსაც იოგას არსებობის შესახებ პირველი მონაცემები უკავშირდება. მაგისტრის ხარისხი ისეთ წამყვან სასწავლებლებში დაიმსახურა, როგორებიცაა: Uttarakhand Universit და Annamalai University. მას მსოფლიოს ფართოდ ცნობილ და წარმატებულ სკოლა Bharat Thakur Artistic Yoga-ს New Delhi branch-ში მუშაობის გამოცდილებაც აქვს.

ხშირად ამბობს, რომ იოგა, ეს არ არის მხოლოდ ვარჯიშის ფორმა, არამედ მეცნიერებაა, რომელიც ბედნიერი, ჯანმრთელი და მშვიდი ცხოვრების ფორმულას წარმოადგენს. იოგა ადამიანს ასწავლის, როგორ დატკბეს, დააფასოს თითოეული წუთი და იცხოვროს აწმყოში.

დიდი ხანი არაა, რაც ნიშანტი „არია იოგას“ სტუდიაში თავის გამოცდილებას გვიზიარებს, თუმცა მომხმარებლებს უკვე გაუჩნდათ მის მიმართ ლოიალური დამოკიდებულება, სწავლებისადმი ინტერესი, და მას ეს ძალიან ახარებს. სამწუხაროა, რომ უამრავი წარმატების ფონზე, მსოფლიო კრიზისი წამოგვეწია...

ნინა, უკვე მეორედ ახსენეთ „კოვიდ-19“-ით გამოწვეული პროცესები. როგორ გადალახეთ ყველაზე კრიზისული პერიოდები?
ურთულესი პერიოდია. პანდემიის დაწყებისას, ისევე, როგორც ყველა ფიტნეს და გამაჯანსაღებელი ცენტრი, „არია იოგას“ სტუდიაც დროებით დაიკეტა. ივლისიდან ვარჯიშები ღია ცის ქვეშ, დისტანციისა და ყველა სავალდებულო რეგულაციის დაცვით აღვადგინეთ. რომ არა ჩვენი საყვარელი პარტნიორები − „ცისკარი“ და „აჭარა ჯგუფი“, წარმოუდგენელი იქნებოდა იმ პერიოდში ჩვენი არსებობა. მინდა, დიდი მადლობა გადავუხადოთ მათ.

ასევე გვქონდა რამდენიმე ერთჯერადი პროექტი, რომლებიც დატვირთული იყო როგორც იოგას ვარჯიშით, ისე სხვადასხვა სახის მარკეტინგული აქტივობით. ესენია: Green Hill Residence (Rooftop იოგა), Captain + საქართველო შენია (ონლაინ იოგა), Product Tank Tbilisi, TBC Concept (Lisi Green Town), Bene Exclusive (მოიარე ქვეყანა), Radisson Collection Hotel Tsinandali Estate Georgia (Family Yoga), Weleda Georgia. ამ ყველაფრისთვის დიდ მადლობას ვუხდით თითოეულ კომპანიას.

როგორია თქვენი სამომავლო გეგმები?
„არია იოგას“ სტუდიას კიდევ უფრო დიდი პოტენციალი აქვს და ასეთი დინამიკური განვითარებისთვის მუდმივი პარტნიორების არსებობა ჩვენს საქმიანობაში საჭიროა. თანამშრომლობებს აუცილებლად განვიხილავთ.

რას ეტყოდით მკითხველს?
ვინც ჯერ კიდევ არ ხართ ჩვენი მომხმარებელი, მოხარული ვიქნებით, შემოგვიერთდეთ! ჩვენს მომხმარებელს კი დიდ მადლობას ვუხდი ყოველი წამისთვის, რომელსაც ჩვენთან ერთად დიდი ენთუზიაზმით ატარებენ, მათი ჩვენდამი სიყვარული ჩემთვის მთავარი მოტივაციაა. ამიტომაც, მუდამ ვცდილობ წინსვლას და ვიმედოვნებ, ერთად კიდევ მრავალი წარმატება გველოდება.

ფოტოებზე: ფებინ ვარგესი, ნიშანტ სინგჰი, ნინა შენგელია, თათა შენგელია, მარიკა ბაბუნაშვილი, გური ქოიავა, ნათია ნებიერიძე, ლიკა ლორთქიფანიძე, ნათია მეტრეველი