ბოლო ათწლეულების განმავლობაში განსაკუთრებულად იცვლებოდა წარბის მონახაზი და მისი სისქე. ადრე თუ მოდური იყო უფრო თხელი ან მომრგვალო ფორმის, ახლა ტრენდული გახდა უფრო მსხვილი და სწორი კონტურების მქონე წარბები. შესაბამისად, ყველა ცდილობს გადაეწყოს იმ სტილზე, რომელიც ახლა მიიჩნევა ტრენდულად, თუმცა სასურველი შედეგის მისაღწევად ხშირად გვიწევს სერიოზული ჩარევები, რაზეც უფრო ვრცლად სასაუბროდ „თალიზის“ სპეციალისტს, სალომე ვადაჭკორიას ვეწვიეთ კლინიკაში.
რომელი პროცედურაა ყველაზე პოპულარული „თალიზში“ მოსულ ქალბატონ პაციენტებში?
ვინაიდან ადრე წარბს ყველა იწვრილებდა, მიეჩვია ამ მდგომარეობას და ხშირ შემთხვევაში ამოქნილი წარბები ვეღარ უბრუნდება საწყის ფორმას, ხოლო ბოლო დროის ტრენდებით, მეტად მოთხოვნადი გახდა უფრო მსხვილი და ხშირი წარბის ფორმები. შესაბამისად, აუცილებელი გახდა წარბის აღდგენის პროცედურის ჩატარება − როგორც დაკარგული სიხშირის აღსადგენად, ასევე ფორმის ცვლილების, სასურველი სწორი და მაღალი კუთხის კონტურების მისაღებად.
ჩვენთან ძალიან ხშირად ტარდება რეკონსტრუქციული ოპერაციები. როგორც ვიცით, ასაკის მატებასთან ერთად, წარბის სიხშირეც მცირდება და თხელდება. მოგეხსენებათ, ხშირი წარბები ახალგაზრდული ელფერის მაჩვენებელია, შესაბამისად, ამ კუთხითაც ხდება მოთხოვნა წარბის გახშირებაზე, თუმცა არსებობს ისეთი შემთხვევებიც, როდესაც წარბის გადანერგვა საჭიროა ნაწიბურების, ტრავმების დასაფარად. ამ შემთხვევაშიც, წარბის რეკონსტრუქციული პროცედურა ასევე ძალიან ეფექტურია.
ხშირად მოგვმართავენ ადამიანები, რომელთაც ჩატარებული აქვთ წარბის ტატუაჟი ძველი მეთოდით. სამწუხაროდ, დროთა განმავლობაში ამგვარი ტატუაჟი იცვლის ფერს, ლურჯდება ან წითლდება. ამ შემთხვევაში შესაძლებელია წარბის გადანერგვა, რათა დაიფაროს არაბუნებრივი ძველი ტატუაჟის ფერები და ასევე მოხდეს წარბის ფორმის კორექცია.
რამდენად მნიშვნელოვანია სპეციალისტთან კონსულტაციის გავლა?
ძალიან მნიშვნელოვანია როგორც სპეციალისტთან კონსულტაცია, ასევე პროცესი, თუ როგორ აუხსნის და დაანახვებს პაციენტს ამ ყველაფერს. რა თქმა უნდა, გასათვალისწინებელია სახის სიმეტრიის ფორმები, რათა სახეს მოუხდეს და ბუნებრივი ელფერი შესძინოს მას. ყოველთვის ვცდილობთ, წარბი გავაკეთოთ ოდნავ უფრო მსხვილი, რაც შემდეგ საშუალებას გვაძლევს დავაკორექტიროთ ახალი წარბები სასურველ ფორმაზე.
როგორია „თალიზის“ როლი ამ მიმართულებით?
მსოფლიოში ძალიან ცოტა კლინიკაა, სადაც წარმატებით ტარდება წარბის გადანერგვის პროცედურები. მოგეხსენებათ, წარბზე ყველა ღერი იზრდება სხვადასხვა მიმართულებით, ამ ყველა ნიუანსის გათვალისწინება კი ძალიან მნიშვნელოვანია მაქსიმალურად ბუნებრივი შედეგის მისაღწევად. შესაძლებელია გადავინერგოთ წარბი და სხვადასხვა მნიშვნელოვანი დეტალების გაუთვალისწინებლობით მივიღოთ სრულიად სხვა შედეგი.
როგორ ფიქრობთ, რამდენად მნიშვნელოვანია წარბი ადამიანის გარეგნობაში?
ადამიანის გარეგნობაში პირველი, რაც თვალში გვხვდება, ეს არის სახე და თვალები. ის, რაც ადამიანებს ერთმანეთისაგან განასხვავებს, გამოხედვაა. რა თქმა უნდა, წარბიც დიდ როლს ასრულებს ამ ყველაფერში და შეიძლება თამამად ითქვას, რომ ადამიანის გარეგნობაში ერთ-ერთი ყველაზე მნიშვნელოვანი შტრიხია და უდიდესი როლი მიუძღვის ვიზუალის ჩამოყალიბებაში.
ჩვენი კლინიკა მუდმივად იღებს მონაწილეობას სხვადასხვა საერთაშორისო კონფერენციაში, სადაც ხშირად მიწვეულები ვართ, როგორც სპიკერები აღნიშნულ თემაზე სასაუბროდ. ასევე, ჩვენს კლინიკაში არსებულ სასწავლო ცენტრს ძალიან ხშირად სტუმრობენ უცხოელი სპეციალისტები, „თალიზში“ გამოყენებული თმისა და წარბის გადანერგვის პროცედურის მეთოდების შესასწავლად.
რას ურჩევდით პაციენტებს?
უპირველეს ყოვლისა, მოზარდებს ვურჩევდით, რომ მინიმალურად დაიკორექტირონ წარბები, იმიტომ, რომ გარდამავალ ასაკში ახალგაზრდები ხშირად ცდილობენ რაიმე შეიცვალონ სახეზე. სწორედ ამ დროს იფუჭებენ წარბის ფორმას. რეალურად, ბუნებრივი ფორმა რაც არის, რამდენიმე კორექციის შემდეგ შესაძლოა სრულიად შეიცვალოს ან საერთოდ დაზიანდეს თმის ფოლიკული და შესაბამისად, აღარ ამოვიდეს თმა.
თუ უკვე დავკარგეთ წარბი და სხვა გზა აღარ არის, ამისათვის არსებობს გადანერგვა. აუცილებელია სწორად შევარჩიოთ ექიმი და კლინიკა, რადგან გუნდის გამოცდილება წარბის აღდგენითი პროცედურების ჩატარების კუთხით, განმსაზღვრელია ბუნებრივი შედეგის მიღწევაში.
რამდენად გაიზარდა მომართვიანობა ბოლო წლების განმავლობაში?
განსაკუთრებით მაღალი მომართვიანობაა ქალბატონების მხრიდან. ჩვენთან ჩამოდის უამრავი პაციენტი, რომელთა შორისაც ძალიან ბევრია სლავური ქვეყნებიდან. როგორც მოგეხსენებათ, მათ გენეტიკურად ღია ფერის, თხელი და სუსტი წარბები აქვთ. შესაბამისად, სურთ მსხვილი და მეტად ექსპრესიული/ტრენდული წარბის კონტურებით მოიწონონ თავი.
