კლინიკა PS Dental უკვე ათეულ წელზე მეტია, რაც მომხმარებელს ერთგულად ემსახურება და სრულყოფილ სტომატოლოგიურ სერვისს სთავაზობს. მრავალწლიანი გამოცდილების მქონე კლინიკას ახალგაზრდა, თუმცა ასეთივე სტაჟიანი ხელმძღვანელები ჰყავს – და-ძმა პაატა და სოფო ჯინჭარაძეები, რომელთაც საყვარელი პროფესია აერთიანებთ.
როცა მსოფლიოს სხვადასხვა ქვეყანაში პროფესიული განვითარების მისაღებად ბევრი ისწავლეს, წლების წინ, საკუთარი არჩევანი ერთ სივრცეში მუშაობაზე შეაჩერეს და მიზნად ბაზარზე განსხვავებულად ხარისხიანი სერვისის წარდგენა და მაღალკვალიფიციური გუნდის შემოკრება დაისახეს. ასე შეიქმნა PS Dental, რომელმაც დაარსების დღიდან მომხმარებელთა ნდობის მოპოვება შეძლო.
კლინიკის 11-წლიანი წარმატებული საქმიანობა, პერსონალის უპირობო ძალისხმევასთან ერთად, მათმა სამუშაო პრინციპმაც განაპირობა, რაც თითოეული პაციენტისადმი თანაბრად ყურადღებიანსა და პროფესიულ მომსახურებას გულისხმობს. სწორედ ამიტომ, PS Dental-ში ერთგული სტუმარი თუ ახალი პაციენტი თავს საიმედო ხელში გრძნობს.
კლინიკის სათავეში და-ძმა, ორთოპედი პაატა ჯინჭარაძე და თერაპევტ-სტომატოლოგი და პაროდონტოლოგი სოფო ჯინჭარაძე არიან, თუმცა PS dental-ში ოჯახურ ატმოსფეროს მეგობრული გუნდიც ქმნის. ექიმები არა ინდივიდუალური სახელის, არამედ საერთო საქმის წარმოჩენისთვის ზრუნავენ. ყოველი პაციენტის პერსონალურ შემთხვევას კი რჩევების გაზიარება და სრული გუნდის ერთიანობა ახლავს. PS Dental-ში ასევე მიიღებთ შემდეგი სახის მომსახურებებს: თერაპია, ქირურგია, იმპლანტოლოგია, ორთოდონტია, ყბა-სახის ქირურგია და ბავშვთა სტომატოლოგია.
კლინიკის მორიგი უპირატესობა მის ბაზაზე არსებული სტომატოლოგიური ლაბორატორიაა, სადაც მეტალოკერამიკის, ცირკონოკერამიკის, ცერეკის ვინირების, იმპლანტებისა და სხვა საჭირო დეტალების დამზადება ხდება, პროდუქციით კი არა მხოლოდ PS Dental, არამედ საქართველოს მასშტაბით არაერთი სხვა კლინიკა მარაგდება.
ევროპული სტადარტის მქონე თანამედროვე ტექნოლოგიები კლინიკაში ხარისხიანი სამუშაოს შესრულებისა და სტერილიზაციის გარანტია, რაც წინსვლის ერთ-ერთი მთავარი პრინციპია.
მნიშვნელოვანია ისიც, რომ PS Dental-ის მუშაობა განვითარებასა და სიახლეებისადმი სწრაფ ადაპტირებას ემყარება. კლინიკის ხელმძღვანელებთან ერთად, პერსონალი მსოფლიოში არსებულ სხვადასხვა ინოვაციას უწყობს ფეხს, რასაც საქართველოსა თუ მის ფარგლებს გარეთ, კონფერენციებსა და სასარგებლო ინფორმაციულ შეხვედრებში მონაწილეობა აადვილებს.
როგორც ხელმძღვანელები აღნიშნავენ, PS Dental-ის წარმატება საქმისადმი სიყვარულმა და მუდმივი განვითარების სურვილმა განსაზღვრა.
