კვების ექსპერტის, კელი ლე ვეკას თქმით, ხილის დიეტა ბოლო პერიოდიშ დიდი პოპულარობით სარგებლობს, განსაკუთრებით ეს ზაფხულის პერიოდს ეხება. საქმე იმაშია, რომ ხილის დიეტა მართლაც იწვევს წონის კლებას და ამასთან, ორგანიზმსაც ასუფთავებს, მაგრამ მსგავსი რაციონი დიეტოლოგთან ან ექიმთან მაინც უნდა განიხილოთ. წარმოგიდგენთ 5 ფაქტს, რომელიც აუცილებლად უნდა იცოდეთ ამ დიეტის დაწყებამდე.

1. ამ ტიპის კვება 1980-იან წლებში გავრცელდა და ყველაფერი აშშ-ში დაიწყო. სწორედ იქ შეიქმნა პირველი ხილით ჩანაცვლებული საკვები. 2006 წელს კი ხილის დიეტამ მთელი მსოფლიო მოიცვა.

2. მთავარი წესია - საკვებად ნებისმიერი ხილი გამოიყენოთ, მათ შორის ზოგიერთი ბოსტნეულიც გადაუმუშავებელი სახით. ეს შეიძლება იყოს ავოკადო, პომიდორი, კიტრი, ზეთისხილი და მარცვლოვანიც.


3. დიეტის მთავარი პლუსი არის ის, რომ ხილი და კენკრა ვიტამინების С, А და ბეტა-კაროტინის მთავარი წყაროა. ასევე მათში სხვადასხვა ანტიოქსიდანტია - ბუნების ყველაზე სასარგებლო ელემენტები.

4. მაგრამ, ხილის დიეტის რაციონი ვიტამინი B12-ის, ომეგა სამის, რკინის და ფოლიუმმჟავის სრული ნაკლებობით გამოირჩევა. ამიტომაც, ამგვარი დიეტის დიდხანს დაცვა რეკომენდირებული არაა. წინააღმდეგ შემთხვევაში ორგანიზმში სხვადასხვა ფუნქციის დარღვევა მოხდება. ექიმები გვირჩევენ მსგავსი რაციონი არაუმეტეს 1 კვირის მანძილზე დავიცვათ და სასურველია წელიწადის თბილ დროს.

5. ჯანდაცვის მსოფლიო ორგანიზაციები რეკომენდაციას გვიწევენ ყოველდღიურად ხილის თუ ბოსტნეულის 5-6 პორცია მივიღოთ. ეს დაახლოებით 450 გრამია. ავსტრალიერმა მეცნიერებმა დაამტკიცეს, რომ დღეში 7 და მეტი პორცია, დაახლოებით 80-80 გრამი ოდენობის, ორგანიზმის სიცოცხლისუნარიანობას ამაღლებს და დაავადებებთან ბრძოლაში გეხმარებათ. სხვათაშორის ამ წესს მელანია ტრამპიც იცავს.