ზედმეტი კილოგრამები უმრავლესობისთვის მტკივნეული თემაა. იმისთვის რომ ჭარბი წონისგან გავთავისუფლდეთ დიდი ძალისხმევაა საჭირო და მხოლოდ საკვების შეძღუდვა არ არის საკმარისი. ყველაზე მნიშვნელოვანია, თუ როგორ ვიწყებთ დილას, რა განწყობით ვხვდებით ახალ დღეს და როგორი ემოციებით გამოვდივართ საძინებელი ოთახიდან. ჩვენ შემოგთავაზებთ 5 დილის წესს, რომელიც თქვენი ჩვევა უნდა გახდეს, სამომავლოდ კი ეს წონის უმტკივნეულოდ დაკლებაში დაგეხმარებათ.

1. სასმელი

დილით როცა გაიღვიძებთ და მოწესრიგდებით აუცილებლად უნდა მიირთვათ ერთი ჭიქა წყალი, თუ წყალი არ გიყვართ მაშინ ვაშლის ან ფორთხოხლის ნატურალური წვენის მიღებას გირჩევთ, თუმცა ამ შემთხვევაშიც უნდა დაიცვათ დოზები. მიღებული სასმელი ერთ ჭიქას არ უნდა აღემატებოდეს.

2. ვარჯიში

სასმელის მიღების შემდეგ, აუცილებლად უნდა შეასრულოთ გამამხნევებელი ვარჯიშები. არ აქვს მნიშვნელობა რა სახის იქნება ეს და რამდენხნიანი. 10 წუთიანი ვარჯიშიც კი თქვენს სხეულს გაღვიძებაში დაემარება და წონის დაბალანსებაში დიდ როლს შეიტანს.

3. საკვები

რაც შეეხება საკვებს, სასურველია პროტეინებით სავსე კერძი მიირთვათ,რადგან როგორც ცნობილია, ის საკვების გადამუშავებას და სხეულის სხვა ფუნქციების ეფექტურად მუშაობას უზრუნველყოფს. ყველაზე მარტივია საუზმის დაწყება შემწვარი ან მოხარშული კვერცხით. თუ თქვენ არჩვანს შემწვარ კვერცზე გააკეთებთ, გაითვალისწინეთ, რომ კარაქი ძალიან ცოტა რაოდენობით უნდა გამოიყენოთ.

4. ტკბილეული

ტკბილეული ორგანიზმისთვის აუცილებელია. დილით შეგიძლიათ, ფინჯან ყავასთან ნახევარი პურის ნაჭერი და რომელიმე ხილის მურაბა მიირთვათ. ამ შემთხვევაში რაოდენობა აუცილებლად უნდა დაიცვათ, რადგან წინააღმდეგ შემთხვევაში თქვენი წონაში კლების მცდელობა უშედეგო იქნება.

5. მედიტაცია

სასურველია ნახევარი საათით მაინც  მშვიდად დაჯდეთ, დახუჭოთ თვალები და შეეცადოთ გონება დაასვენოთ. ამ დროს არაფერზე არ უნდა იფიქროთ, მომენტალურად დაივიწყეთ თქვენი პრობლემები, გათავისუფლდით სტრესისგან და მიეცით ორგანიზმს საშუალება შეებრძოლოს ზედმეტ კილოგრამებს.