Travel Box − პირველი ინოვაციური პროდუქტია მოგზაურობის მოყვარულთათვის, რომელიც საშუალებას გაძლევთ მოიწყოთ სიურპრიზებით სავსე დასვენება და გაიმრავალფეროვნოთ წლის ნებისმიერი სეზონი.

თქვენ შეგიძლიათ ყოველ სეზონზე გამოიწეროთ ახალი ბოქსი ახალი დიზაინით და მიიღოთ სპეციალურად თქვენთვის შერჩეული საქართველოს სასტუმროების ვაუჩერი ნებისმიერი რეგიონიდან; მოგზაურობისათვის საჭირო 10-დან 15-მდე საჭირო ნივთი და პროდუქტი. ყუთს მოყვება მიმდინარე სეზონის Travel Box-ის კატალოგი, სადაც გაეცნობით შემოთავაზებული სასტუმროების, პროდუქტებისა და ნივთების შესახებ ინფორმაციას.

Travel Box-ში აღმოაჩენ:
• საქართველოს 5-ვარსკვლავიანი სასტუმროების ვაუჩერს (2 ღამე − 2-ადგილიანი ნომერი);
• სამოგზაურო ნივთების ნაკრებს;
• მოგზაურობისთვის საჭირო პროდუქტებს.
Travel Box-ის საჩუქრები ყოველ სეზონზე იცვლება და ახლდება. თითოეული ახალი ყუთი სიურპრიზებით არის სავსე და მისი გახსნა ისეთივე მრავალფეროვანი და განსხვავებული გამოცდილებაა, როგორც თავად მოგზაურობა.

გახდი გვერდის გამომწერი − გაიარე რეგისტრაცია ვებგვერდზე: www.travelbox.ge, გამოიწერე და მიიღე სეზონურად შერჩეული სასტუმროს ვაუჩერი, მოგზაურობისთვის საჭირო ბრენდირებული ნივთები და პროდუქტები.

გამოიწერე ზაფხულის Travel Box, რომლის პარტნიორია კომპანია „გეფა“ და რომელიც წარმოადგენს „ნუქსის“, „ფიტოს“, „ბოდი შოპის“, „ალკმენეს“, „დოქტორ რენოს“ ბრენდების პროდუქციას, რომლის შეძენაც „ფარმადეპოსა“ და „ჯპს“-ის აფთიაქებში შეგიძლიათ.

ასევე ზაფხულის Travel Box-პარტნიორი სასტუმროებია:
„შერატონ ბათუმი“
პირველი 5-ვარსკვლავიანი საერთაშორისო სასტუმრო ბათუმში, მდებარეობს ქალაქის შუაგულში, ზღვის სანაპიროს გასწვრივ, ბათუმის ცნობილი ბულვარის გვერდით, 5-10 წუთი ფეხით სავალზე ძველი ქალაქიდან და 15 წუთის მანძილზე ბათუმის საერთაშორისო აეროპორტიდან და რკინიგზის ცენტრალური სადგურიდან.

სასტუმროს გამაჯანსაღებელი ცენტრი „შაინ სპა“ მოიცავს ჯაკუზის, საუნას, ორთქლის ოთახს, ფიტნესცენტრს, თურქულს ჰამამს, დახურულ და სეზონურ ღია აუზებს. ყველაფერი ეს უფასოდაა ხელმისაწვდომი სასტუმროში დაბინავებული სტუმრებისათვის.

მისამართი: ბათუმი, რუსთაველის ქუჩა 28
ვებგვერდი: www.sheratonbatumi.ge

„ლოპოტა სპა რეზორტი“
„ლოპოტა სპა რეზორტი” თბილისიდან აღმოსავლეთის მიმართულებით 115 კილომეტრში, კახეთის ისტორიულ რეგიონში მდებარეობს. კახეთის რეგიონის ადმინისტრაციული ცენტრიდან, ქალაქ თელავიდან 15 წუთის დაშორებით აღმოაჩენთ კავკასიის მთებით გარშემორტყმულ ლოპოტას ხეობას, სადაც ლოპოტას ტბის გარშემო გაშენებულია სასტუმრო კომპლექსი საუკეთესო დასვენებისთვის.

სასტუმროს დამსვენებლებს გართობის მრავალფეროვანი არჩევანი აქვთ. მათ ეძლევათ საშუალება იჯირითონ ცხენებზე, გაისეირნონ წყლისა და ხმელეთის ველოსიპედებით, ითევზაონ, დააგემოვნონ და მონაწილეობა მიიღონ კახური, ტრადიციული ღვინის დაწურვაში, ჩურჩხელების ამოვლებასა და ჭაჭის გამოხდაში (ე.წ. კულინარიული მასტერკლასები).

მისამართი: თელავის მუნიციპალიტეტი, სოფელი ნაფარეული
ვებგვერდი: lopotaresort.com

ვაზისუბნის მამული
მე-19 საუკუნის მამული, რომელიც ცნობილი თავადისა და საზოგადო მოღვაწის, სულხან ჭავჭავაძის სახლი გახლდათ, დღეს 19-ნომრიანი ბუტიკ-სასტუმროა. მამულს შენარჩუნებული აქვს პირვანდელი სახე. თითოეული ნივთი განსაკუთრებული გულისყურით არის შერჩეული ევროპისა და საქართველოს მასშტაბით, სადაც თითოეული ოთახი გთავაზობთ უნიკალურ გამოცდილებას და დიზაინს.

ვაზისუბნის მამული მოიცავს 35 ჰექტარზე გადაჭიმულ ვენახს, აღდგენილ მარანს და XIX საუკუნის სასახლეში განთავსებულ ბუტიკის ტიპის სასტუმროს.

ამ განსაკუთრებული ადგილის ისტორია 1869 წლიდან იწყება. სასახლე კულტურული მემკვიდრეობის ძეგლია და მიიჩნევა ქართული არქიტექტურის ერთ-ერთ საუკეთესო ნიმუშად.

მისამართი: ვაზისუბანი, კახეთის რეგიონი
ვებგვერდი: www.vazisubaniestate.ge

სასტუმრო „ფოსტა“, მესტია
სასტუმრო „ფოსტა“ მდებარეობს სვანეთში, მესტიის ცენტრში. სასტუმრო დამსვენებლებს სთავაზობს 20 ნომერს. ნომრები განლაგებულია მეორე და მესამე სართულზე და აღჭურვილია ყველა საჭირო ინვენტარით.

სასტუმრო „ფოსტა“ ფართოვდება და დამსვენებლებს ამა წლის აგვისტოდან შესთავაზებს დამატებით 33 ნომერს, საკონფერენციო დარბაზს, ღია ტერასებს მესტიის ულამაზესი ხედით, დახურულ საცურაო აუზს, სოლარიუმს, საუნას, ტრენაჟორების დარბაზს.

მისამართი: მესტია, სეტის მოედანი
ვებგვერდი: hotelposta.ge

„რუმს ჰოტელ კოხტა“
კომპანია „აჭარა ჯგუფი რუმსის“ ბრენდის ახალი სასტუმრო კურორტ კოხტა-მიტარბში გაიხსნა. Ski-in Ski-out კონცეფციის Rooms Hotel Kokhta, კოხტაგორას საბაგიროსთან მდებარეობს და სტუმრებს წელიწადის ოთხივე სეზონზე უმასპინძლებს.
Rooms Hotel Kokhta „აჭარა ჯგუფისთვის“ დამახასიათებელი დიზაინითა და არქიტექტურული ელემენტებით გამოირჩევა. სასტუმროს რესტორანი კი სტუმრებს კომპანიის „ფერმიდან მაგიდამდე“ კონცეფციის მიხედვით მომზადებულ კერძებს შესთავაზებს.
მისამართი: დაბა ბაკურიანი 1204, კოხტას ძირი, ბორჯომის მუნიციპალიტეტი, საქართველო.
ვებგვერდი: roomshotels.com/kokhta

შემდეგ სეზონზე, შემოდგომის Travel Box, განახლებული ვიზუალითა და პარტნიორთა დამატებითი სიით დაგიბრუნდებათ და მეტ სიურპრიზსაც შემოგთავაზებთ.
გამოგყვევით ინსტაგრამ და ფეისბუქგვერდებზე, რათა შეიტყოთ ყველა ის სიახლე, რომელსაც კომპანია გეგმავს.
გაიმრავალფეროვნეთ თქვენი მოგზაურობა Travel Box-თან ერთად.