კორონავირუსი გლობალური პრობლემაა, პანდემია, რომელსაც მთელი მსოფლიო გაერთიანებული ძალებით ებრძვის. დაძაბული ვითარების ფონზე სოციალურ ქსელში ყოველდღიურად სახალისო ფოტოები ვრცელდება, რომელიც საზოგადოებას რთული პერიოდის გადატანაში ეხმარება. კვირის პოპულარული ობიექტი ინსტაგრამზე კატები გახდნენ. გავრცელებულ ფოტოებში პატარა ცხოველები ადამიანებისგან დაცარიელებულ სუპერმარკეტებში მარტონი არიან. კონკრეტულმა თემამ სოციალურ ქსელში პოპულარობაც მალე მოიპოვა.