შავი ზღვის სანაპირო ზოლის დიდი ნაწილი, რომელიც საქართველოში მდებარეობს, ქვებითაა დაფარული. ამასთან, ქვიან და ქვიშიან სანაპიროებზე ზღვის სიღრმის მატება ერთმანეთისგან რადიკალურად განსხვავდება. წყალი მხოლოდ ოდნავაა მარილიანი, ამიტომაც ცურვა აქ ნამდვილი სიამოვნებაა.

კვარიათი

კვარიათში განსაკუთრებულად მყუდრო ატმოსფერო სუფევს. წყალი თბილი და სუფთაა, სანაპირო კი მშვიდი და ფანტასტიკური რელაქსაციის პირობებით გამოირჩევა.

გონიო

გონიოს ამ სიაში ყველაზე „ცოცხალი სანაპირო“ შეიძლება ვუწოდოთ. ქალაქის ღამის ცხოვრება და ხმაურიანი ბარები პირდაპირ ნაპირზეა წარმოდგენილი და მუსიკა ზღვის ტალღებთან რომანტიკულ შერწყმას ახდენს.

სარფი

სარფი თურქეთის საზღვართან საკმაოდ ახლოსაა. მის სანაპიროს აჭარაში ყველაზე სუფთასაც კი უწოდებენ. შორიახლოს 7 მეტრი სიმაღლის კლდეებია, საიდანაც წყალში ხტომით აქტიურად ერთობიან.

მწვანე კონცხი

ბათუმიდან 9 კილომეტრში არსებულ ამ ადგილს ადგილობრივები „მწვანე სამოთხეს“ უწოდებენ. ბოტანიკური ბაღი პირდაპირ სანაპიროს გადაჰყურებს და იქამდე გზასაც იკვალავს. აქ დადიან არა მხოლოდ რუჯის მისაღებად და საცურაოდ, არამედ გრძელი გადმოსახტომისთვისაც, რომელიც ზღვაში საკმად ღრმად შედის. აქ ბევრი საოჯახო სასტუმრო, კაფე და რესტორანია.

შეკვეთილი

აქ ქვიშიანი სანაპირო დაგხვდებათ. ქვიშა ოქროსფერზე მუქი შეფერილობისაა. სანაპირო სამკურნალო თვისებებით გამოირჩევა. აქ შესაძლებელია სისხლის მიმოქცევის სისტემის, რაქიტის, დამბლის და ნერვული სისტემის სამკურნალოდ ჩამოსვლა. ფიჭვნარი პირდაპირ სანაპიროსთან იწყება და კლიმატს საკმაოდ სასიამოვნოს ხდის. წყლის სიმაღლე დაბალია და ბავშვებისთვის საკმაოდ მოხერხებული. ოჯახური დასვენებისთვის კიდევ ერთი დადებითი მხარე გასართობ პარკ „ციცინათელასთან“ სიახლოვეა.