„ქრაუნ პლაზა ბორჯომი“ საქართველოს ულამაზესი საკურორტო ქალაქის შუაგულში, ბორჯომში, ისტორიულ პარკთან ახლოს მდებარეობს. კურორტი ბორჯომი უნიკალურია მსოფლიოში არა მარტო თავისი ბუნებრივი, თბილი მინერალური წყლებით და გოგირდის აბანოებით, არამედ ჯანმრთელობისთვის სასარგებლო კლიმატით, წიწვოვანი და შერეული ტყეებით.

Crowne Plaza Hotels & Resorts IHG-ის ჯგუფის წევრი სასტუმროების ქსელია. სასტუმრო შედგება 8 კატეგორიის 101 კომფორტული ოთახისგან, რომელიც გადაჰყურებს ქალაქსა და ბუნებას.
„ქრაუნ პლაზა ბორჯომში“ სტუმრებს ორი რესტორანი, ლობი-ბარი და ღვინის ბარი მასპინძლობს. აქ შეგიძლიათ მიიღოთ არაჩვეულებრივი კულინარიული გამოცდილება და სახელგანთქმული ქართული ღვინოც დააგემოვნოთ.

დამატებითი სერვისები მოიცავს ქლაბ-ლაუნჯს, ბავშვთა ოთახს, იოგას დარბაზსა და სატრენაჟორო დარბაზს.

ბორჯომის რეგიონის სამკურნალო თვისებებს ემატება ჩვენი სასტუმროს სპა და გამაჯანსაღებელი ცენტრი, რომლის ანალოგიც სამხრეთ კავკასიაში არ არსებობს. სპა ცენტრს 2400 მ2 უჭირავს და სხვადასხვა სახის ექსკლუზიურ პროცედურას გთავაზობთ.

„ქრაუნ პლაზა ბორჯომის“ სპა და გამაჯანსაღებელი ცენტრი სტუმრებს სპეციალურად მათთვის შერჩეულ სპა პროცედურებს სთავაზობს, რომლებიც ზუსტად შეესაბამება მომხმარებლების მოთხოვნებსა და ჯანმრთელობას.

„ქრაუნ პლაზა ბორჯომი“ არის ადგილი, სადაც სტუმართმოყვარეობა ბუნებას ერწყმის.