ზოგიერთი ადამიანი ზამთრის სეზონზე თბილ ქვეყნებს მიაშურებს, რათა ზაფხულის შეგრძნება კიდევ უფრო გაიხანგრძლივოს. მაგრამ არიან ადამიანები, რომლებსაც შობისთვის დამახასიათებელი დეტალები და თოვლი ხიბლავს და სამოგზაურო მიმართულებასაც ამის მიხედვით ირჩევს. აქ ამ თვეების განმავლობაში გაცილებით ცოტა ხალხია და მოგზაურობაც ნაკლები ჯდება. თუ სწორ ქალაქებს აირჩევთ, ზამთარში ევროპაში მოგზაურობა საინტერესო გამოცდილებად გექცევათ და შესაძლოა მზიანი სანაპიროს არსებობა დაგავიწყდეთ კიდეც.

#10 ლუბლიანა, სლოვენია

სლოვენიის დედაქალაქში ბაროკოს შენობებზე საშობაო ნათებები მოგხიბლავთ.

#9 ბერლინი გერმანია

ბერლინში 60-ზე მეტი საშობაო ბაზრობა ეწყობა. 2018 წლის პირველ თვეებში აქ არდადეგების მოწყობა საუკეთესო მოგონებად დაგრჩებათ.

#8 ვენეცია, იტალია

წყლის არხები ზამთარში გაცილებით მშვიდია და ნისლის სუდარა აქვს შემოხვეული. სასტუმროებს დაბალი ფასები აქვს და წმ. მარკის ბაზილიკის სტუმრობისას სელფის ჯოხები არ შეგაწუხებთ.

#7 ბერგენი, ნორვეგია

ნამდვილი სკანდინავიური დასახლება: ხის ფერადი შენობები, ნავსადგურები, ტყეები... ქალაქი ზაფხულშიც მშვენიერია, მაგრამ მხოლოდ ზამთარში ჩრდილოეთის ციალის დანახვას შეძლებთ.

#6 პარიზი, საფრანგეთი

პარიზში ყველა სეზონი საოცარია, მაგრამ ზამთარი განსაკუთრებულად შთამბეჭდავი. "სინათლის ქალაქი" მაგიურ სამყაროს ემსგავსება.

#5 პრაღა, ჩეხეთი

ვერცერთი ქალაქი ისე ვერ იქცევა ზამთრის საოცრებათა სამყაროდ, როგორც პრაღა. არაფერია იმაზე იდუმალი და ლამაზი, როდესაც ისტორიულ ხიდებზე, ძველი ქალაქის შემხედვარე მომაჯადოვებლად თოვს.

#4 ბუდაპეშტი, უნგრეთი

ზამთარი უდაოდ საუკეთესო დროა ამ ულამაზესი ქალაქის მოსანახულებლად. ამ სეზონზე უნგრეთის პარლამენტს გარშემო მოყინული სივრცე ეკვრის.

#3 ედინბურგი, შოტლანდია

არ გაგიკვირდეთ თუ ქუჩაში მოცეკვავე შოტლანდიელებს შეხვდებით - ასე აღნიშნავენ ისინი ახალი წლის პირველ კვირეებს. ვისკით ხელში გასაოცარ ადგილებს მოინახულებთ.

#2 ბრიუგე, ბელგია

ევროპის ეს ქალაქი განსაკუთრებით მომხიბვლელი სწორედ ზამთარშია. რიყით ნაშენ ქუჩებზე ცხელი შოკოლადით ტკბობას შეძლებთ.

#1 ვენა, ავსტრია

Readers' Choice Awards-მა წელს ის ევროპის საუკეთესო ქალაქად დაასახელა. ზამთრის სეზონზე აქ კლასიკური კონცერტების მოსმენას და თოვლიანი ტაძრებისა და სასახლეების დათვალიერებას შეძლებთ.