ანა ვინტური მოდის სამყაროს ერთ-ერთი უმნიშვნელოვანესი ექსპერტია. ის ცნობილია არამხოლოდ ამერიკულ "ვოგში" შეტანილი წვლილისთვის, არამედ საკუთარი შთამბეჭდავი იმიჯებით - ყოველთვის გამოკვეთილით და აღტაცების გამომწვევით. შესაძლოა მისმა რჩევებმა და ხრიკებმა თქვენც ჩამოგიყალიბოთ უნიკალური სტილი.

ელეგანტურობა - ყოველთვის მოდურია და იქცევს ყურადღებას. თუმცა, სანამ გარდერობში კლასიკას დაამატებთ, გახსოვდეთ რომ ეს სტილი დაუდევრობას ვერ იტანს. თვენი იმიჯი კარგად უნდა იყოს გამოკვეთილი. ანა ამისთვის კოსტიუმებს მიმართავს.

ზევიდან რა გაქვთ მოცმული, უდიდესი მნიშვნელობა აქვს. განსაკუთრებით ჩვენს კლიმატში, როცა მისი საჭიროება წელიწადის მანძილზე დიდხანს დგას. ნათელი პრინტი, ფერი ან პალტოს საინტერესო დიზაინი სტილის მნიშვნელოვანი მახასიათებელია.

ტყავი და ბეწვი ყურადღებას ყოველთვის იქცევს.

ზედა სამოსი უნდა ეხამებოდეს იმას, რაც მის შიგნით გაცვიათ. ამ შემთხვევაში თქვენი იმიჯი ეფექტური იქნება. არაა აუცილებელი მაინცდამაინც ერთი ფერი გამოიყენოთ, ხანდახან ითამაშეთ კონტრასტებით.

ნუ შეგეშნდებათ ექსპერიმენტების ფერებსა და პრინტებში. ანა ვინტურის სამოსში ვხვდებით სხვადასხვა პრინტის მშვიდ და მოულოდნელ კომბინაციებს.

თუ არ ხართ დარწმუნებული, რომ ზედა სამოსი ქვედას უხდება, ატარეთ კაბები! ანა კაშკაშა კაბებს ირჩევს და არ რჩება შეუმჩნეველი არცერთ ღონისძიებაზე.

მიმართეთ შავის და თეთრის შეხამებას.

იპოვნეთ თქვენი სამკაული. ვინტური არჩევანს ფერადი ქვებით გაწყობილ ყელსაბამზე აკეთებს.