ცნობილი ამერიკელი მომღერალი ფარელ უილიამსი Chanel-თან დიდი ხანია თანამშრომლობს, მან როგორც მოდელის, ისევე ბრენდის კომპოზიტორისა და ფილმის მსახიობის როლი შეითავსა. ამჯერად ის განსხვავებულ ამპლუაშია, ფარელი ახალი კოლექციის თანადიზაინერი იქნება, რომელიც სეულში Chanel-ის წამყვან ბუტიკში იქნება წარდგენილი.
ბრენდის ამ კოლექციის მოკლემეტრაჟიანი სარეკლამო რგოლისთვის 45 წლის უილიამსმა კამერების წინ იპოზიორა, Chanel-Pharrell-ის კოლექციის ფერად სამოსში, რომელიც სხვადასხვა ორიგინალური დეტალითაა გაფორმებული.
"ეს სარეკლამო კამპანიაც და კლიპიც Chanel-ის ახალი, "კაფსულის" კოლექციისთვისაა, რომელიც ბრენდის ისტორიაში არასოდეს შექმნილა. ეს კოლექცია არა დიზაინერის, არამედ მუსიკოსის მიერ იქნება შექმნილი, რომელშიც ის თავის ამბიციებსა და ოცნებებს ჩააქსოვს," - განაცხადა უილიამსმა.
"Chanel-ის ბრენდს არ ეშინია სიახლეების, ისევე როგორც არ ეშინოდა კოკოს. არავითარი საზღვრების ქონის აუცილებლობა არ არსებობს, სანამ არსებობს მემკვიდრეობა, რომელსაც შეგიძლია მიჰყვე, როგორც კარლ ლაგერფილდი მიჰყვებოდა."
Chanel-Pharrell კოლექცია სეულის ფილიალში 28 მარტს გამოვა, ხოლო მსოფლიოს დანარჩენ მაღაზიებში 4 აპრილს.