Victoria's Secret-ის ანგელოზთა გუნდს კიდევ ერთი ბრწყინვალე გარეგნობის მოდელი - ბარბარა პალვინი შეუერთდა! სასიამოვნო სიახლის შესახებ ინფორმაცია სულ რამდენიმე საათის წინ გავრცელდა.

25 წლის უნგრელმა მოდელმა სოციალურ ქსელში სპეციალური ვიდეორგოლი განათავსა.

როგორც მოდელმა People-თან ინტერვიუში გაამხილა, ამ ინფორმაციას უკვე სამი თვეა საიდუმლოდ ინახავს. "როცა 13 წლის ვიყავი Victoria's Secret-ის შოუ პირველად ვნახე და გავიფიქრე, აქ აუცილებლად მოვხვდები თქო. სამი თუ ოთხი წლის შემდეგ, კი ბრენდის პირველი გადაღება მქონდა,"- აღნიშნა მან.

მოდელი Victoria's Secret-ის ჩვენებაზე პირველად 2012 წელს ვიხილეთ და მას შემდეგ ბრენდის არაერთ პროექტში მიუღია მონაწილეობა.

გრანდიოზულ სცენაზე ბრენდის უახლესი კოლექცია მან 2018 წელსაც მოირგო.

აღსანიშნავია, რომ ბარბარა ამ ნაბიჯით ისეთი ცნობილი მოდელების გუნდს შეუერთდა, როგორებიც ქენდის სვინპული, ელზა ჰოსკი, ბეჰატი პრინსლუ, ლილი ოლდრიჯი და სხვები არიან.

აღსანიშნავია, რომ მოდელის წარმატება სოციალურ ქსელებში უყურადღებოდ არც მის რჩეულ მამაკაცს დაუტოვებია, 26 წლის ამერიკელმა მსახიობმა - დილან სპრაუზმა ინსტაგრამზე ბარბარასთან ერთად გადაღებული სახალისო ფოტო გამოაქვეყნა, რომელიც იმ ადამიანებს მიუძღვნა, ვისაც მოდელის წარმატებაში ეჭვი ეპარებოდა.