კიმ კეტრელის მიერ შესრულებული პერსონაჟი - სამანტა ჯონსი ჩაცმულობით მის საოცრად მოდურ და დახვეწილ მეგობარს, კერი ბრედშაუს ნამდვილად არ ჩამოუვარდებოდა. მეტიც, სამანტა Sex and the City-ში ყველაზე თამამი და სექსუალური იმიჯით გამოირჩეოდა. გავიხსენოთ მისი ჩაცმულობა, რომელიც ახლა საოცრად აქტუალურია და შევისწავლოთ მისი სტილის რამდენიმე საიდუმლოება.

#1 ტანზე მომდგარი მინი კაბები

ამ გმირს არ ეშინია გამოხატოს საკუთარი სექსუალურობა ეეფქტური სამოსით. თამამი ჭრილის კაბებმა გარდერობში მნიშვნელოვანი ადგილი უნდა დაიკავოს. ისინი შეიძლება იყოს ელეგანტური და არა ვულგარული.

#2 საქმიანი კოსტიუმები

ასევე, ძალიან ეფექტურია მკაცრი კოსტიუმები. იმისთვის, რომ ისინი მოსაწყენი არ იყოს, ფერადი ტოპები და აქსესუარები შეუხამეთ.

#3 ნათელი ფერის ჟაკეტი

სამანტა მათ შორის არაა, ვისაც სურს შეუმჩნეველი დარჩეს. სწორედ ამიტომ, ფერებისკენ მას განსაკუთრებული ლტოლვა ამოძრავებს. მკაცრ ოფისის სამოსსაც კი ეფექტურ ანსამბლად აქცევს. ერთ-ერთი მაგალითია ღია ფერის ჟაკეტი ტრაპეცია ქვედაბოლოსთან ერთად:

#4 ორმაგი პალტო

სამანტას გარდერობში თამამი სამოსი მკაცრ კლასიკასთან ჰარმონიულად თანაარსებობს. მაგალითად, რძისფერი მუხლებამდე პალტო ამავე ტონალობის მაღალქუსლიანთან ერთად, დღესაც საუცხოო არჩევანია.

#5 შთამბეჭდავი ჩანთები

თუ კერის ფეხსაცმელები უყვარდა, სამანტას სისუსტე ჩანთები გახლდათ. რაც უფრო შთამბეჭდავი იქნებოდა, მით უკეთესი.

#6 ფართოფარფლებიანი ქუდები

კიდევ ერთი საყვარელი აქსესუარი, რომელიც მიმდინარე სეზონებზე მოდურ პოდიუმებს იპყრობს. სამანტა მათ ტანზე მომდგარ კაბებს უხამებდა.

#7 მასიური აქსესუარები

დიდი საყურეები, ყელსაბამები, ბეჭდები და სამაჯურები... ბიჟუტერიაც კი, რომელსაც სამანტა მდიდრულ სამოსს უხამებდა, ბრწყინვალედ გამოიყურებოდა.