ლეგენდარული დიზაინერი კარლ ლაგერფილდი 19 თებერვალს 85 წლის ასაკში გარდაიცვალა. Chanel-ისა და Fendi-ს კრეატიული დიზაინერი არამხოლოდ ტანსაცმლის კოლექციების შექმნით იყო დაკავებული. ის ბოლო წლებში ფოტოგრაფიამაც გაიტაცა და თავისი კოლექციის სარეკლამო ფოტოებს თავად იღებდა.
დიზაინერის უკანასკნელი სარეკლამო კამპანია Chanel-ის გაზაფხული-ზაფხულის კოლექციას მიეძღვნა. ფოტოსესიაში მონაწილეობა კარლ ლაგერფილდის მუზებმა, ვიტორია ჩერეტიმ, კრის გრიკაიტემ, ნორა ატალმა და სხვა მოდელებმა მიიღეს.
მოდელები Chanel-ის მოდის სახლისთვის აქტუალურ ტვიდისგან დამზადებულ ტანისსამოსში პოზირებენ, რომელიც ლიმონისფერ, ღია ცისფერ და შავ ფერებშია გადაწყვეტილი.
