კემბრიჯისა და სასექსის ჰერცოგინიების იმიჯი ყოველთვის საზოგადოების განხილვის საგანი ხდება, სხვანაირად ალბათ წარმოუდგენელიცაა, ვინაიდან ორივე მათგანს საკმაოდ დიდი გავლენა აქვს მსოფლიო მოდის ტენდენციებზე. თუმცა ამჯერად საზოგადოება არა მათ ჩაცმულობაზე, არამედ ვარცხნილობებზე ალაპარაკდა, რომლებიც როგორც წესი ერთმანეთისგან განსხვავებულია.
კემბრიჯის ჰერცოგინია საზოგადოებაში უმეტესწილად ჩამოშლილი თმით ჩნდება, ხოლო მეგან მარკლი ძირითადად შეკრული თმით ფიგურირებს, რომელიც კიდევ უფრო გამოკვეთს მის დახვეწილ ნაკვთებს, თუმცა ამ არჩევანს სხვა ფაქტორიც განაპირობებს.
ბრიტანული Express-ის გამოცემაში ნათქვამია, რომ ჰერცოგინია შეკრული თმით ცდილობს ბუნებრივი თმის მაქსიმალურად დამალვას.
"ჰერცოგინიის თმა ბუნებრივად ძალიან ხვეულია და მან ბრაზილიური მეთოდებით წლების განმავლობაში შეძლო მისთვის შედარებით მეტი სისწორის მინიჭება, თუმცა როცა საქმე თმის ძირებს ეხება, ყველაფერი უფრო რთულადაა, ვინაიდან მათ ყოველთვის ეტყობათ ბუნებრივი ფორმა, რაც ვარცხნილობას იერს უკარგავს" - წერია სტატიაში.
იმის დასამტკიცებლად, რომ ჰერცოგინიას ურჩი თმის გასასწორებლად უამრავი პროცედურის ჩატარება მოუწევდა, მისი ძველი ფოტოებიც კმარა.
აქვე შეგახსენებთ, რომ პირადი მიზეზი, რის გამოც შეკრულ თმას ერიდება, ქეითსაც აქვს, ის სწორედ ასე ცდილობს ბავშვობის დროინდელი შრამი დამალოს, რომელიც მხოლოდ ერთხელ აღმოჩნდა ფოტოგრაფების ობიექტივში და მაშინ სამეფო ოჯახს მის შესახებ ოფიციალური განცხადების გაკეთება დასჭირდა.
როგორც გაირკვა, ჰერცოგინიას შრამი ბავშვობაში ჩატარებული ოპერაციის შემდეგ დარჩა.
