10 დეკემბერს, ლონდონში 2018 წლის Fashion Awards-ის ცერემონია გაიმართა, რომელსაც მსოფლიოს მოდის წამყვანი ფიგურები ესწრებოდნენ, მათ შორის იყვნენ ცნობილი მოდელები - სარა სამპაიო და დოუთზენ კრუზიც. მომხიბვლელი ქალბატონები ქართველი დიზაინერის - დავიდ კომახიძის სამოსით გამოჩნდნენ წითელ ხალიჩაზე.
33 წლის კრუზმა კაბა ლონდონში მოღვაწე ქართველი დიზაინერის 2019 წლის გაზაფხული-ზაფხულის კოლექციიდან შეარჩია.
იმავე კაბით, ცოტა ხნის წინ, ცნობილი მომღერალი - გვენ სტეფანიც გამოჩნდა ჯიმი კიმელის სატელევიზიო შოუში, თუმცა შემსრულებელმა თეთრ ფერზე გააკეთა არჩევანი.
რაც შეეხება სარა სამპაიოს, 27 წლის მოდელმა, მანაც სწორედ იმავე კოლექციის სამოსი შეარჩია.
სარა სამპაიო დავით კომახიძესთან ერთად
იგივე სამოსით, რამდენიმე კვირის წინ, ბრიტანელი მსახიობი - ემილი ბლანტიც გამოჩნდა ლოს-ანჯელესში.
აღსანიშნავია, რომ ცერემონიას ესწრებოდა ცნობილი ქალბატონების რჩეული დიზაინერიც და დავით კომახიძემ მოდელებთან ერთად გადაღებული კადრებიც გააზიარა წითელი ხალიჩიდან.
