წარმოშობით კანადელი, 24 წლის მოდელი - ვინი ჰარლოუ, რომელიც  განსხვავებული ვიზუალით გახდა ცნობილი, Victoria Secret-ის ცნობილი ანგელოზების სიას შეუერთდა და წლევანდელ ჩვენებაშიც მიიღებს მონაწილეობას.

სიახლე მოდელმა ინსტაგრამის გამომწერებს გაუზიარა, „ძალიან ვინერვიულე სანამ ჩემთვის ყველაზე საპასუხისმგებლო კასტინგში მივიღებდი მონაწილეობას, მძღოლს ისიც კი ვთხოვე შენობისთვის კიდევ ერთხელ შემოეარა, რათა გამართულად სიარული შემძლებოდა“ - დაწერა მან.

მოდელმა მადლობაც გადაუხადა გულშემატკივრებს, რომლებიც მისთვის ყველაზე დიდ მოტივატორებს წარმოადგენენ.

აღსანიშნავია, რომ გოგონას განსხვავებული კანის იერის გამო კომპლექსი ჰქონდა,  თუმცა მოგვიანებით გადაწყვიტა სტერეოტიპიები დაემსხვრია და დღეს ის ერთ-ერთი ყველაზე დიდი ინფლუენსერია.