სამოდელო ბიზნესში მამაკაც მოდელებს ქალ მოდელებთან შედარებით ნაკლები ხელფასი აქვთ და მათ შერჩევას განსაკუთრებული პრეტენზიებითაც უდგებიან. მაგრამ, არსებობენ მამაკაცები, რომლებიც შექმნილები არიან იმისთვის, რომ მთელი მსოფლიოს ყურადღება მიიქციონ.
#1 მარკუს შენკენბერგი
90-იანებში მარკუსი ნაომი კემპბელთან, კლაუდია შიფერთა და სტეფანი სეიმურთან ერთად Versace-ს და Dolce&Gabbana-ს პოდიუმებზე ჩნდებოდა. ყველა ბრენდი ოცნებობდა მასთან თანამშრომლობაზე. მოგვიანებით მოდელმა კინოში თამაში დაიწყო, თუმცა სამსახიობო კარიერა არ გამოუვიდა. სამაგიეროდ, გაიცნო პამელა ანდერსონი, რომელთანაც რომანი გააბა. გარკვეული დროის შემდეგ, მარკუსმა საკუთარი სუნამოც კი გამოუშვა.
#2 დევიდ განდი
დევიდ განდის ფოტოები საუკეთესო წამალია სტრესისას - მას მამაკაცის მოდის საუკეთესო წარმომადგენელსაც კი უწოდებენ. Dolce&Gabbana-ს შეუცვლელი სახე, მსოფლიო პოდიუმების ვარსკვლავი და ნამდვილი გულთამპყრობელი, რომელსაც შეუდარებელი რეპუტაცია აქვს.
#3 ჯონ კორტაჰარენა
კიდევ ერთი მაღალანაზღაურებადი მოდელი, რომლის სახელიც Forbes-ის ლიდერობას უკვე რამდენიმე წელია არავის უთმობს და განდის სერიოზულ კონკურენციას უწევს. მისი ქარიზმით ისეთი ცნობილი ბრენდები მოიხიბლნენ, როგორებიც არიან: Just Cavalli, Versace, Giorgio Armani, Trussardi, Diesel, Lagerfeld. მასზე გიჟდება ტომ ფორდიც.
#4 ტაისონ ბეკფორდი
90-იანებში ბეკფორდი მამაკაცების მოდის სამყაროს ისეთივე აღმოჩენა იყო, როგორც ნაომი ქალების. მათ შორის არსებულ რომანზეც საუბრობდნენ. 1995 წელს ბეკფორდი "წლის მამაკაცი" გახდა და მსოფლიოს 50 ყველაზე ლამაზ ადამიანში დაიმკვიდრა ადგილი. ის ახლახანს 47 წლის გახდა და როგორც სჩანს საერთოდ არ იცვლება.
#5 შონ ოპრეი
2006 წელს შონი America's Next Top Model-ის ჟიურის წევრმა აღმოაჩინა. თუმცა, ცნობილი მხოლოდ რამდენიმე წლის შემდეგ გახდა, როცა აქტიურად იღებდნენ ტეილორ სვიფტის და მადონას კლიპებში. დღეს მას კონტრაქტი აქვს ისეთ ბრენდებთან როგორებიცაა Dior, Paul Smith, Tom Ford, Giorgio Armani და H&M.
#6 მატიას ლაურიდსენი
მატიასი კოპენჰაგენის ქუჩაში აგენტებმა შენიშნეს. მაშინ მოდელი 19 წლის იყო. მიუხედავად იმისა, რომ მთელი ცხოვრება კისერზე არსებული შრამი აკომპლექსებდა, ამასკარიერაში ხელი არ შეუშლია. ხანდახან მატიასს ფრანგ მოდელს, გასპარ ულიელს ამსგავსებენ. ლაურიდსენი თავად კარლ ლაგერფილდმაც გადაიღო, ამასთან ის Jil Sander-ის, Louis Vuitton-ის, Hugo Boss-ის და Hermès-ის სახეა.
#7 მარკ ვანდერლუ
ისეთებზე, როგორიც მარკია, ამბობენ, რომ ასაკთან ერთად უფრო და უფრო უკეთესები ხდებიან. მისი კარიერა 90-იანებში დაიწყო, მაშინ ვანდერლუ Calvin Klein-ის და Hugo Boss-ის სახე იყო. 2012 წელს საიტზე models.com საკულტო მამაკაცების სიაში მეორე ადგილი დაიკავა.
#8 ბრედ კროენინგი
ამერიკელი მოდელი, რომელიც უკვე წლებია რაც Chanel-ის და Fendi-ის ჩვენებებში მონაწილეობს, კარლ ლაგერფილდის ახლო მეგობარია. ცნობილი დიზაინერი მისი ვაჟიშვილის ნათლიაც კია, 7 წლის ჰადსონის, რომელიც კარლს ყველა ჩვენების ბოლოს სცენაზე გამოჰყავს.
#9 ნოა მილსი
34 წლის ნოას კარიერა 2003 წელს დაიწყო, მისმა ერთ-ერთმა დამ სამოდელო სააგენტოში მისი ფოტო გააგზავნა. ნოამ გულშემატკივრების სიყვარული მალევე მოიპოვა და უკვე 2003 წელს models.com-ზე კვირის მოდელი გახდა. Calvin Klein-ის ფოტოსესიაში ნატალია ვოდიანოვასთან პოზირების შემდეგ კი საყოველთაო პოპულარობა მოიპოვა. 2013 წელს, "ფორბსის" სიაში 740 000 დოლარით შევიდა.
#10 ევანდრო სოლდატი
ევანდრო ბრაზილიიდანაა. მისი კარიერა 2001 წელს დაიწყო, 7 წლის შემდეგ კი ერთ-ერთი ყველაზე წარმატებული მამაკაცი მოდელი გახდა. მოდური ბრენდების ჩვენებების გარდა, ის ლედი გაგას სიმღერის Alejandro-ს კლიპშიც გვხვდება. კონტრაქტი აქვს ბრენდებთან: Armani Jeans, Valentino, Dolce & Gabbana და Guess.
