სტილისტები ვარსკვლავების მნიშვნელოვანი დამხმარეები არიან. მათ პასუხისმგებლობაზეა როგორ გამოიყურებიან ცნობილი ადამიანები წითელ ხალიჩასა თუ ყოველდღიურობაში. "ყველაზე მოდური ვარსკვლავის" წოდების მიღებისას მათი წვლილიც მნიშვნელოვან როლს თამაშობს.



#1 მელ ოტენბერგი

რიანას სტილისტი

ვინ მოუტანა Dior-თან კონტრაქტი და გახადა ის ყველაზე განხილვადი პერსონა Met Gala-ზე? გაიცანით მელ ოტენბერგი, რომელიც მანამდე ბრიტნი სპირსის საკონცერტო კოსტიუმებსა და შარლიზ ტერონის "დიორის" ჩაცმულობაზე აგებდა პასუხს. სტილისტმა და მომღერალმა ერთმანეთი 2006 წელს გაიცნეს, მაგრამ თანამშრომლობა 5 წლის შემდეგ დაიწყეს. "ოფისში ვიყავი, როდესაც რიანას აგენტმა დამირეკა და მკითხა შევძლებდი თუ არა კოსტიუმების შექმნას იმ კონცერტისთვის, რომელიც 3 დღეში იგეგმებოდა." მას შემდეგ ერთად მუშაობენ და რიანას გიჟურ, თავზეხელაღებულ სამოსზე პასუხს სწორედ ის აგებს.

#2 მიქაელა ერლანგერი

ჯარედ ლეტოს სტილისტი

მიქაელა სამედიცინო კოლეჯში სწავლობდა, მაგრამ ამან ხელი არ შეუშალა პროფესიონალი სტილისტი გამხდარიყო. ის აცმევდა ლუპიტა ნიონგოსა და ვაინონა რაიდერს. თუმცა მისი გამორჩეული კლიენტი ჯარედ ლეტოა.

#3 მარნი სენოფონტე

ბიონსე

ბიონსე მხოლოდ მარნის გემოვნებას ენდობა. ისინი 2013 წლიდან თანამშრომლობენ. სწორედ სენოფონტემ მოიფიქრა ყველა ჩაცმულობა ალბომისთვის Lemonade. ის ვარსკვლავს ყველაზე შრომისმოყვარე ადამიანად ასახელებს მსოფლიოში.

#4 მეივ რაილი

ჰეილი ბოლდუინის სტილისტი

ცოტა ხნის წინ ჰეილის ამერიკის ყველაზე მოდური გოგონა უწოდეს. მისი სამოსი ყოველთვის განხილვადია და დადებით კრიტიკას იმსახურებს. მის გარეგნულ იერზე მეივ რაილი ზრუნავს.

#5 ჯეიმი მიცრაჰი

კეტი პერი

მის მრავალფეროვან გიჟურ სამოსს სწორედ ამ ქალბატონს უნდა ვუმადლოდეთ. მიუხედავად იმისა, რომ მომღერალი სტილისტებს ხშირად იცვლის, "მიცრაჰის ეპოქა" ყველაზე დაუვიწყარია მის კარიერაში.