ვარსკვლავი პატრონები ჩაიზე არ გესტუმრებიან, თუმცა მათ სავარძლებზე ნებივრობას შეძლებთ.
#1 50 CENT
ამერიკელ რეპერს სიმღერაც აქვს სახელწოდებით: "მშვიდად იცადე". ეს არის ის, რასაც რეპერი ბოლო 8 წელია ცდილობს. მას კონექტიკუტში საკუთარი ვილის გაყიდვა უნდა. 2007 წელს ფასი 18.5 მილიონი $ იყო, 2011 წელს 11 მილიონ $-მდე დაეცა, 1 წლის წინ კი მზად იყო სახლი 19 საძინებლითა და 35 სააბაზანოთი 8 მილიონ დოლარად მოეშორებინა. თუმცა, მსურველი კვლავ არ ჩანს. რეპერმა გადაწყვიტა ის უბრალოდ გაექირავებინა და ამას თვეში 100 000$-ად ახერხებს.
#2 ჯენიფერ ლაურენსი
ნიუ-იორკის მოდურ რაიონში მსახიობი სამსაძინებლიან სახლს თავდაპირველად 30 000 $-ად აქირავებდა, საბოლოოდ კი 27 000$-ად გააქირავა. სახლში მოხვედრა პირდაპირ ლიფტიდანაა შესაძლებელი.
#3 რიჩარდ გირი
მანჰეტენის ეს ისტორიული რაიონი ყველაზე ძვირად ითვლება ნიუ-იორკში. ჰოლივუდის მსახიობმა ამ 5საძინებლიან სახლს თვეში 20 000$ დაადო.
#4 ივანკა ტრამპი
აშშ-ს პრეზიდენტის ქალიშვილმა იმ აპარტამენტის გაქირავება გადაწყვიტა, რომელიც მამამისმა 2004 წელს უყიდა. დონალდ ტრამპმა ურჩია, რომ ფასი 13 000$-ზე დაბლა არ დაეწია. სახლი არც ისე მდიდრულია, თუმცა თუ მეზობლები გაგანაწყენებენ, თეთრ სახლში დარეკვით დამუქრებას შეძლებთ.
#5 ორლანდო ბლუმი
"კარიბის ზღვის მეკობრეების" ვარსკვლავი აქ ცხოვრობდა და მშვიდად ეძინა, თუმცა ეს არის სახლი, სადაც გაძარცვეს. სანამ ნიუ-იორკში იყო, მის სახლში შეიჭრნენ და ძვირფასეულობები გაიტანეს. მიუხედავად ამგვარი დაცვის სისტემისა, სახლი თვეში 16000$-ად ქირავდება.
#6 ლეონარდო დიკაპრიო
ოსკაროსანი მსახიობი ერთადერთია ჰოლივუდის ვარსკლავებს შორის, ვინც სახლს დღიურად აქირავებს. ლეონარდოს პალმ-სპრინგის რეზიდენციაში ერთი ღამის გატარებას 4500$-ად შეძლებთ.
#7 სელმა ჰაიეკი
რადგანაც სელმას ქმრის ქონება 17 მილიარდ დოლარადაა შეფასებული, ლამაზმანი სახლს შედარებით დაბალ ფასში, თვეში 9750 $-ად აქირავებს. ლოს-ანჯელესის გარეუბანში მდგარ სახლს პირადი ბაღი აქვს.
#8 დენიელ რედკლიფი
მანჰეტენზე მდებარე ეს სახლი შესაძლოა მხოლოდ ამ ფრაზის თქმის გამო იქირაოთ: "ჩემი სახლის პატრონი ჰარი პოტერია". დენიელმა ის 2008 წელს 4.3 მილიონ დოლარად შეიძინა და თვეში 19 000$-ად აქირავებს. აპარტამენტი შუშის შენობის მე-13 სართულზე მდებარეობს და იატაკიდან ჭერამდე პანორამული ფანჯრები აქვს.
#9 სოფია ვერგარა
Modern Family-ის ვარსკლავი იმ სახლს აქირავებს, რომელშიც გათხოვებამდე ცხოვრობდა. ლოს-ანჯელესის პრესტიჟულ უბანში მდებარე სახლი თვეში მხოლოდ და მხოლოდ 7200$-ად ქირავდება.
#10 ლენი კრავიცი
მომღერალი სერიოზულადაა გატაცებული სახლის დეკორით. თითოეული სახლის პროექტში თავად დიდ მონაწილეობას იღებდა, ამიტომაც მის აპარტამენტებში კრავიცის გემოვნება იგრძნობა. მისი პარიზის სახლი ყველაზე დახვეწილ ინტერიერთა სიაშიც შევიდა. სწორედ ეს "ულტრაგლამურული" სახლი თვეში 251 847$-ად ქირავდება.
