მაღაზია „ქართული ავეჯის ანდერგრაუნდი“ გთავაზოვთ საქართველოში დამზადებული ავეჯისა და სახლის აქსესუარებს. მაღაზიაში წარმოდგენილია ქართველი დიზაინერებისა და მწარმოებლების მიერ შექმნილი სხვადასხვა პროდუქცია: ხის ავეჯი, დეკორაციები, ნაქსოვი პლედები, გადასაფარებლები, პოსტერები, მხატვრული ნამუშევრები და სხვა. მაღაზია იხსნება 10 ივნისს 7 საათზე და გახსნის დღეს მომხმარებელს შესთავაზებს განსაკუთრებულად დაბალ ფასებს, ღვინის დეგუსტაციას, მუსიკას და მეგობრულ გარემოს, სადაც გექნებათ შესაძლებლობა იფიქროთ თქვენი სახლის ინტერიერის გაუმჯობესებაზე.
მაღაზიის მდებარეობა: საინტერესო ანდერგრაუნდ სივრცე სოლოლაკის ერთ-ერთი სახლის უძველეს ფართში - გალაკტიონ ტაბიძის ქ. 3/5 წარმოდგენილი ნამუშევრები ეკუთვნის შემდეგ ბრენდებსა და ინტერიერის დიზაინერებს: Frisk Style, ჰოოდა, Knit Décor, ნინო არევაძე, ხოფერია სტუდიო, Geo posters, Wooden.
Frisk Style - ავეჯის მწარმოებელი კომპანიაა, რომელიც ნატურალური ხის ავეჯზე მუშაობს. იგი შეიქმნა 2015 წელს და აერთიანებს დიზაინერებსა და ავეჯის მწარმოებლებს. ფრისკ სტაილის ავეჯი გამოირჩევა ხარისხით და კონკურენტული ფასით. ავეჯი დამზადებულია საქართველოს სხვა და სხვა კუთხეებში მოძიებული ძალიან ძველი მასიური ხისგან. დამუშავებულია მხოლოდ ეკოლოგიურად სუფთა საშუალებებით, ცვილით, მცენარეული ზეთებით და სხვა. იგი დროთა განმავლობაში გადაიქცევა ანტიკვარიატად, არის ფუნქციური და იდეალურია სახლის, აგარიკის, სასტუმროების, ბარების, რესტორნებისა და ოფისებისათვის.
Knit Decor - სახლის დეკორაციების პირველი ქართული ონლაინ მაღაზია, რომელიც 2015 წელს შეიქმნა. კომპანიის სტრატეგიაა მყუდრო და კომფორტული გარემოს შექმნა ინტერიერში. Knit Decor მომხმარებელს სთავაზობს დახვეწილი დიზაინით შექმნილი ინტერიერის ნაქსოვი დეკორაციების ფართო არჩევანს:
ნაქსოვი პლედები, ხალიჩები და ბალიშები ინტერიერის მეტი სიმყუდროვისთვის;
ვინტაჟური სტილის პუფები ხის ფეხებზე, ასევე თანამედროვე სტილის მრგვალი პუფები ნაქსოვი ზედაპირით;
საბავშვო ხაზი : რომელიც აერთიანებს საბავშვო პუფებს, ბალიშებს და საბავშვო პლედებს.
სხვადასხვა აქსესუარები განსხვავებული ინტერიერის შესაქმნელად: საათები ნაქსოვი ზედაპირით, კალათები, სანათებს და ა.შ.
ჰოოდა-Hooda ქართული კომპანია ჩამოყალიბდა 2017 წელს. ჰოოდა აწარმოებს ხისგან დამზადებულ ხელნაკეთ აქსესუარებსა და ტექსტილს ინტერიერის დეკორისთვის. თითოეული პროდუქტისთვის იქმნება ექსკლუზიური დიზაინი. აქსესუარები მუშავდება ხელით სხვადასხვა ტექნიკის გამოყენებით, რაც იძლევა საშუალებას მომხმარებელს შევთავაზოთ ფართო ასორტიმენტი. ჰოოდა-Hooda ზრუნავს თავის მომხმარებელზე, თავაზობს მრავალფეროვნებას და რაც მნიშვნელოვანია ქმნის დიდი სიყვარულით.
ხოფერია სტუდიო შეიქმნა 2017 წლის თებერვალში,ნინო და ირმა ხოფერიების მიერ,სამუშაო გამოცდილება 25 წელი,ამ სახელოსნოში კეთდება ინტერიერისთვის და სხვადასხვა დანიშნულების დეკორატიული კედლის პანოები, შირმები, ბალიშები, სანათები, სუფრები, ფარდები, საავეჯე ქსოვილები, აგრეთვე თავშლები,ჩანთები საკაბე ქსოვილები და სხვა. ზემოთ ჩამოთვლილი ნაწარმი სრულდება ქსოვილის სუბლიმაციური ბეჭდვით ხელოვნურ ქსოვილზე ან აბრეშუმზე და სხვა ბუნებრივ ქსოვილებზე ხელით მოხატვის ტექნიკით როგორიცაა ბატიკა, დეკორატიული ღებვა, თავისუფალი მოხატვა და ა.შ.
Wooden გთავაზიბთ ნატურალურ, მაღალ ხარისხიანი ხისგან დამზადებულ ნივთებს,ავეჯს,ბავშვის სათამაშოებს,აქსესუარებს,სახლის დეკორაციებს და ა.შ.
Geoposter.ge ქმნის მრავალ ქვეყანაში უკვე ტრადიციად დანერგილი, მაგრამ საქართველოსთვის ერთგვარად ახალი მიმდინარეობა – ქართველი ნიჭიერი მხატვარ-ილუსტრატორების მიერ შექმნილი საქართველოს სახვადასხვა ადგილების, ქალაქების, კურორტების, სიმბოლოების პოსტერებს.
