მიშელ პფაიფერმა ქმართან, დევიდ ედვარდ კელისთან ერთად ლოს-ანჯელესში 22.3 მილიონი $ ღირებულების სახლი შეიძინა. სახლი ცნობილი არქიტექტორის, სტივ ჯანეტის დაპროექტებულია. ის კლასიკურ სტილს თანამედროვე ინტერიერს უხამებს. მსახიობის სახლში 6 საძინებელი, 11 სააბაზანო, სპორტული დარბაზი და ღვინის სარდაფია.
ქვიშისფერი ფერთა გამა, მაღალი ჭერი და პანორამული ფანჯრები სახლს სინათლით და ჰაერით ავსებს. უკანა ეზოში აუზი და დასასვენებელი ზონაა.
61 წლის მიშელ პფაიფერი და 63 წლის დევიდი 26 წელია რაც დაქორწინებულები არიან. წყვილს ორი შვილი ჰყავს: ნაშვილები ქალიშვილი კლაუდია და 25 წლის ვაჟიშვილი ჯონი.
