„აჭარა ჯგუფის“ მიერ დაარსებული სასტუმრო სტამბა 2019 წელს AHEAD Global Awards-ზე იყო წარდგენილი, სადაც მან ძალიან მნიშვნელოვანი ჯილდო „ხალხის არჩევანი“ – “People’s Choice” მოიპოვა.
AHEAD Global Awards-ში მონაწილეობამდე კი ქართულმა სასტუმრომ 2018 წლის ნოემბერში European AHEAD awards-შიც გაიმარჯვა.
კონკურსში „სტამბას“ გამარჯვება განაპირობა ჟიურის გადაწყვეტილებამ და საზოგადოების მიერ ონლაინ რეჟიმში მიცემული ხმების დიდმა რაოდენობამ.
The AHEAD Awards ერთ-ერთი ყველაზე პრესტიჟული დაჯილდოებაა სასტუმროს ინდუსტრიაში, შესაბამისად ეს გამარჯვება თბილისში არსებულ სასტუმროს მოუტანს უფრო დიდ აღიარებას და მიიპყრობს ყურადღებას მსოფლიოს მასშტაბით, რაც ასევე ხელს შეუწყობს საქართველოში ტურიზმის განვითარებას.
სასტუმრო სტამბა თბილისში 2018 წელს, ძველი გამომცემლობის ქარხნის ადგილას გაიხსნა. შენობა 1930-იან წლებშია აგებული და დღეს ქალაქის ერთ-ერთი ყველაზე აქტიური თავშეყრის ადგილია ქართველი სელებრითებისა და უცხოელი სტუმრებისთვის. შენობაში სასტუმროს გარდა არის რამდეიმე კაფე-ბარი და ასევე კაზინო.
ყველაზე განსაკუთრებულს აჭარა ჯგუფის ამ სასტუმროს განსხვავებული ინტერიერის დიზაინი,სიმწვანე და მაღალი ხარისხის მომსახურება ხდის. ხშირად სასტუმროს დიზაინს ცნობილი რეჟისორის, უეს ანდერსონის ფილმების დიზაინს ამსგავსებენ.
