ცნობილმა სუპერმოდელმა, სულ რაღაც რამდენიმე თვის წინ შეიძინა ბევერლი ჰილზის 8.5 მილიონ დოლარად შეფასებული სახლი, რომლიდანაც რამდენიმე კადრი, მოგვიანებით, ინსტაგრამის მილიონობით გამომწერს გაუზიარა.
სახლი ხუთ საძინებელსა და ექვს სააბაზანო ოთახს აერთიანებს, ქენდალმა ინსტაგრამზე სასადილო ოთახის ფოტო ატვირთა, რომელიც მკრთალად არის განათებული.
გულშემატკივრების ყურადღება კედელმა მიიქცია, რომელიც უამრავი, სხვადასხვა სტილისა და ზომის სურათით არის გაფორმებული, მათი უმეტესობა შავ-თეთრია.
ცოტა ხნის შემდეგ, მოდელმა სახლის ინტერიერიდან კიდევ ერთი კადრი გაგვიზიარა, ფოტოზე ამჯერად ოთახი სხვა რაკურსით ჩანს. ყვავილების ფონზე კი, მერლინ მონროს გამოსახულებაც ფიგურირებს.
