ხშირად ადამიანებს გადატვირთული და სოციალურად აქტიური ცხოვრებისგან გაქცევა სჭირდებათ, ამისთვის ისინი ხმაურიანი ქალაქებისგან შორს, ქალაქგარეთ ყოფნას ანიჭებენ უპირატესობას და სიმშვიდეში ისვენებენ. ამ ხერხს ვარკვლავებიც რაღა თქმა უნდა მიმართავენ და სურვილს კიდევ უფრო მრავალფეროვნად ისრულებენ. ბევრ ცნობილ სახეს საკუთარი ფერმაც კი აქვს, სადაც ცხოველებისა მოშენებას მიჰყვეს ხელი და მათ მიერ მოყვანილ ხილსაც შეექცევიან.


ტეილორ სვიფტი

წლის ერთ–ერთი მთავარი მომღერალი, ვისმა კლიპმაც სიმღერაზე Look What You Made Me Do ინტერნეტ–სივრცეში დიდი გამოხმაურება მოიპოვა, შტატებში რამდენიმე სახლის მფლობელია. ტეილორ სვიფტი ატლანტის ოკეანის სანაპიროსთან მდებარე მდიდრულ სახლში დროს ხშირად ატარებს. უძრავი ქონება დიდი ქალაქებისგან მოშორებით დგას, მისი ფართობი 1000 კვ.მ–ია. არის ძალიან ნათელი, დიდი ფანჯრებით და დღის შუქზე მზის სხივებით თბება. სახლს აქვს 8 საძინებელი და 10 სააბაზანო. თუმცა, შენობა არც ისე ახალია და ის 30–იან წლებში ააგეს.

ჯულია რობერტსი

როცა ჰოლივუდის ვარსკვლავი აქტიური ცხოვრებით იღლება, ის საკუთარი კუნძულისკენ მიემართება, რომელიც მან 2005 წელს შეიძინა. ის რანჩოზე ცხოვრობს, სადაც ბევრ ცხოველსაც შეხვდებით, მაგალითად ცხენებს ან ცხვრებს.
,,ეს ჩემი თავშესაფარია, აქ ჰოლივუდს არაფერი მაგონებს, იმ სცენარების გარდა, რომელსაც ჩემი აგენტი პერიოდულად მიგზავნის“– ამბობს ჯულია რობერტსი.

ლილი ალენი

ბრიტანეთის სცენის ვარსკვლავი ძველი ინგლისის თვალისმომჭრელ კუთხეს ირჩევს. მისი სახლი კოტსვოლდის სოფლის სიახლოვეს მდებარეობს. სწორედ ეს არის ადგილი იმ ტურისტებისთვის, რომელთაც ნამდვილი ბრიტანეთის აღმოჩენა სურთ.
მდელოები და სავსე სიმწვანე, დილით კი ჩამოწოლილი ნისლი– რა შეიძლება იყოს ამაზე უკეთესი?

ნიკოლ კიდმანი

მიუხედავად იმისა, რომ ნიკოლ კიდმანი წელს ერთ–ერთი ყველაზე განხილვადი მსახიობი ქალია (რაც მიისმა ახალმა ფილმებმა "Fatal temptation"და "Big little lie" განაპირობა), როგორც ჩანს, მას მაინც არ ხიბლავს დიდი ღონისძიებები, ამიტომაც ის ფერმაში ცხოვრობს. ის 2 უზარმაზარ მიწას ფლობს ავსტრალიასა და ამერიკაში (ტენესი). ფერმაში მას ბევრი ცხოველი ჰყავს, მაგალითად კურდღლები და ალპაკები. ის გველების ყოლასაც გეგმავს.

რასელ ქროუ

ავსტრალიაში ფერმის (560 ჰა) კიდევ ერთი მფლობელი რასელ ქროუა. ცნობილი მსახიობი ამბობს, რომ ამერიკაში ცხოვრებით დაიღალა და ბუნებაში ყოფნა სიამოვნებს.

ჯუდი დენჩი

ბრიტანელმა ოსკაროსანმა მსახიობმა 2012 წელს გადაწყვიტა, რომ ლონდონი საკუთარი ცხოვრების სტილს აღარ უხდებოდა, ამიტომაც სარიში გადავიდა, სადაც გამორჩეული ბუნებაა, დიდი ვენახებით.

მარკ რუფალო

Avengers –ის ვარსკვლავი მას შემდეგ შეიცვალა, რაც ექიმებმა მას ტვინის სიმსივნე დაუდგინეს, ის აქტიურად ჩაერთო ქველმოქმედებაში და ოჯახთანაც მეტად დაიწყო დროის გატარება. Sullivan County –ში უზარმაზარი უძრავი ქონება შეიძინა და დასახლდა. ის აქ ცხვრებსაც ზრდის და საკუთარი მარწყვიც მოჰყავს.