21 წლის ასაკში კაილი ჯენერს უკვე არაერთი მიღწევა აქვს - ის სულ ცოტა ხნის წინ მსოფლიოს ყველაზე ახალგაზრდა მილიარდერად დასახელდა და როგორც ჩანს ამ სტატუსს ის დიდი ხნის მანძილზე შეინარჩუნებს. ახალგაზრდა მოდელი, ბიზნესმენი და სატელევიზიო გადაცემის ერთ-ერთი მთავარი გმირი საკუთარი ბრენდის Kylie Cosmetics-ის განვითარებაში საკმაოდ დიდ დროსა და ენერგიას დებს, შესაბამისად მისი პოპულარობაცა და მომხმარებლების რაოდენობაც მუდმივად იზრდება. ამჯერად მან კიდევ ერთი პროდუქტის შექმნა გადაწყვიტა, რომელზეც Keepin Up With the Kardashians-ის ახალი სეზონის პირველ სერიაში ისაუბრა.

Kylie Cosmetics ამიერიდან გარდა კოსმეტიკური საშუალებებისა სუნამოსაც გამოუშვებს, ამ ახალ წამოწყებას კი კაილიმ თავის დასთან კიმ კარდაშიანთან ერთად ჩაუყარა საფუძველი. უფრო სწორედ, რომ ვთქვათ ახალ სუნამოებს ერთად Kylie Cosmetics და KKW Fragrance გამოუშვებენ.

სამწუხაროდ სუნამოს შესახებ დეტალები ჯერჯერობით უცნობია, თუმცაღა გადაცემაში დებმა სუნამოს ფლაკონზე ისაუბრეს, რომელიც კაილის ტუჩების ფორმით იქნება შთაგონებული.

ასევე ცნობილია, რომ სუნამოს ექნება სამი ვერსია, წითელი, ვარდისფერი და ღია ვარდისფერი.