მოკლე პაუზის შემდეგი კარდაშიანების ოჯახი ეკრანებზე თავბრუდამხვევი მოვლენებით სავსე ახალი სეზონით გვიბრუნდება! სატელევიზიო შოუს მე-15 სეზონის ბოლო სერია 2018 წლის დეკემბერში გამოვიდა, მას შემდეგ კი გულშემატკივრები სულმოუთქმელად ელოდნენ ახალ ეპიზოდებს. ინტერნეტსივრცეში სწორედ მე-16 სეზონის ანონსი გავრცელდა, რომელშიც კარდაშიანების ოჯახში ბოლო დროის მანძილზე განვითარებული მძიმე მოვლენები დეტალურად ჩანს.

შეგახსენებთ, რომ სულ ცოტა ხნის წინ ქლოი კარადშიანი მეუღლეს ტრისტან თომფსონს დაშორდა, ამის მიზეზი კი კაილი ჯენერის უახლოესი მეგობარი ჯორდან ვუდსი გახდა. ახალი სეზონის ანონსში რამდენიმე კადრია, სადაც ჩანს ქლოი, რომელსაც მეუღლესთან განშორება ძალიან მძიმედ გადააქვს. "ის ფაქტი, რომ ეს ყველაფერი საჯაროა კიდევ უფრო ამძიმებს სიტუაციას" - ამბობს ქლოი.

34 წლის ქლოის ძალიან რთული პერიოდი აქვს და როგორც ჩანს მაყურებელი მისი მძიმე ისტორიის დეტალებს ახალი სერიებიდან შეიტყობს. "ჩემი ოჯახი დაინგრა" - ყვირის ერთ-ერთ კადრში ქლოი.

სერიალის ახალ სეზონში ასევე გამოჩნდება კანიე უესტის ახალი წამოწყება, მისი საკვირაო ცერემონიები, რომელსაც ის ყოველ კვირას ეკლესიაში ატარებს.

ასევე როგორც ცნობილია, კიმი და კანიე ბავშვს ელოდებიან, რაც მათ ცხოვრებაში ძალიან მნიშვნელოვანი მოვლენაა და სერიალის ახალ ეპიზოდებში აუცილებლად იქნება აქტუალური.

კარდაშიანების ამ და სხვა ისტორიებს სულ რამდენიმე დღეში ახალი სეზონის პირველ ეპიზოდში იხილავთ, რომელიც ამერიკაში 31 მარტს გამოვა ხოლო ქართულ ინტერნეტსივრცეში სავარაუდოდ პირველ აპრილს გახდება შესაძლებელი მისი ნახვა. მოემზადეთ თავბრუდამხვევი სეზონისთვის!