ტინა კუნაკისა და ვენსან კასელის შემდეგ, 2019 წელი სასიამოვნო სიახლის გამოცხადებით დაიწყო კიმ კარდაშიანისა და კანიე ვესტის ვარსკვლავურმა წყვილმაც. ცოლ-ქმარი, რომელსაც უკვე სამი საერთო შვილი ჰყავს, სულ მალე მეოთხე ბავშვის მშობელი გახდება.
როგორც გაირკვა, წყვილმა გადაწყვიტა შვილი სუროგატი დედის დახმარებით გააჩინოს, რადგან კიმს ამაში ჯანმრთელობის მდგომარეობა არ უწყობს ხელს.
TMZ-ის ცნობით, კიმმა და კანიემ უკვე დაიქირავეს ახალგაზრდა ქალი, რომელიც მუცლით მათ მომავალ შვილს ატარებს.
შეგახსენებთ, რომ წყვილს სუროგაციასთან შეხება აქამდეც ჰქონია და მათ ჩიკაგოს გაჩენისთვისაც სწორედ ამ გზას მიმართეს.