ჯასტინ ბიბერის მენტალური პრობლემების დადგენის შემდეგ მისი მეუღლე მუდმივად მის გვერდითაა და ამას პაპარაცები ყოველდღიურად ამჩნევენ. თუმცაღა ამჯერად საკუთარ ცხოვრებაში წყვილმა ჰეილის Instagram-ის გვერდის საშუალებით ჩაგვახედა. ჰეილი და ჯასტინი 31 მარტს სოციალური ქსელის პირდაპირ ეთერში ერთად გამოჩნდნენ, რამაც მათი გულშემატკივრებისგან განსაკუთრებული ოვაციები და თბილი კომენტარები დაიმსახურა.

წყვილი ინსტაგრამის გვერდის პირდაპირ ეთერში უმიზეზოდ არ ჩართულა, წესით და რიგით ჰეილის ROXY-სთვის გადაღებულ უკანასკნელ ფოტოსესიაზე უნდა ესაუბრა, რომელშიც მან უახლოეს მეგობართან, კეილია მონიზთან ერთად მიიღო მონაწილეობა. თუმცაღა ჰეილის მეგობარი პირდაპირ ეთერში ვერ ჩაერთო, ამიტომ 10 წუთის ლოდინის შემდეგ ჰეილიმ დაასრულა ვიდეოს გადაღება.

მიუხედავად იმისა, რომ გულშემატკივრებმა წყვილისგან კითხვებზე პასუხი ვერ მიიღეს, მათ ჰეილისა და ჯასტინის ძალიან თბილი და ინტიმური კადრების პირდაპირ ეთერში ნახვა შეძლეს. ვიდეოში ისინი ერთად მღერიან, ერთობიან და საკმაოდ კარგ დროს ატარებენ, ეს ყველაფერი კი მათ ჰარმონიულ ურთიერთობაზე მეტყველებს.

პირდაპირი ეთერის შემდეგ კი წყვილი "Orange County"-ში სეირნობისას შენიშნეს, სადაც ისინი კარგ განწყობას კვლავ ინარჩუნებდნენ და ერთად თავს ძალიან ბედნიერად გრძნობდნენ.

ჰეილიმ ქალაქში სეირნობისთვის NANUSHKA-ს 340 დოლარის ღირებულების გრძელი კაბა, Adidas-ის 80 დოლარიანი სპორტული ფეხსაცმელი და Balenciaga-ს 695 დოლარიანი ჩანთა შეარჩია.

როგორც ჩანს ჯასტინი თავს უკეთესად გრძნობს და ეს ნამდვილად მისი მზრუნველი მეუღლის დამსახურებაა.