მაშინ როდესაც ბელას კოლეგები, მეგობრები და ჯიჯი ჰადიდი Coachella-ს ფესტივალზე ერთობიან, ის საყვარელ მამაკაცთან ერთად ისვენებს. მათი დასასვენებული ადგილის ვინაობა უცნობია, თუმცა ბელაც და მისი რჩეულიც გულშემატკივრებს საკმაოდ აქტიურად უზიარებენ სასიყვარულო არდადეგებზე გადაღებულ კადრებს.

ბელა და მისი 29 წლის კანადელი რჩეული სხვადასხვა სახალისო აქტივობით არიან დაკავებული და როგორც ჩანს, დროს არაჩვეულებრივად ატარებენ. მოდელმა The Weeknd-თან ერთად გადაღებული საკმაოდ თბილი ფოტოც გაგვიზიარა, რომელსაც გულშემატკივრებისგანაც დადებითი გამოხმაურება მოჰყვა.

მიუხედავად იმისა, რომ Coachella-ს გრანდიოზულ ფესტივალს არ ესწრება, ბელა ძალიან ბედნიერი ჩანს და ამაზე მის მიერ ატვირთული კიდევ ერთი ვიდეოც მეტყველებს, რომელსაც მოდელმა წარწერა - "My happiest place" დაურთო.