ყველასათვის საყვარელი და ცნობილი ამერიკელი რეჟისორი, ორგზის ოსკაროსანი, "Pulp Fiction"-ის, "Kill Bill"-ის და "Django Unchained"-ის ავტორი კვენტინ ტარანტინო დღეს 56 წლის გახდა!
კვენტინ ტარანტინო 1963 წლის 27 მარტს, ნოქსვილში, ტენესის შტატში დაიბადა. ის კინემატოგრაფიით ბავშობიდან იყო გატაცებული, პირველი სცენარი მან ჯერ კიდევ სკოლაში სწავლის დროს დაწერა, შემდეგ კი მისი ამ სფეროსადმი სიყვარული ვიდეოტექნიკის მაღაზიაში მუშაობისას გაღრმავდა.
1991 წელს რეჟისორმა ცნობილი ფილმების, Reservoir Dogs-ისა და True Romance-ის სცენარებზე მუშაობა დაასრულა, ამავდროულად გაიყიდა მისი ერთ-ერთი პირველი ფილმი Natural Born Killers, რომელმაც საზოგადოებაზე ძალიან დიდი შთაბეჭდილება მოახდინა. კვენტინ ტარანტინოს სარეჟისორო კარიერა სწორედ ამ ფილმების გამოშვების შემდეგ დაიწყო.
ლეგენდარულმა რეჟისორმა ოსკარის ჯილდო ორჯერ მოიპოვა, ნომინაციებში საუკეთესო ორიგინალური სცენარი - ფილმებისთვის Pulp Fiction და Django Unchained.
Pulp Fiction" რეჟისორის ერთ-ერთი ყველაზე ცნობილი ფილმია, რომლის შემოსავალიც 200 მილიონ დოლარს შეადგენს.
ახლა კი შემოგთავაზებთ გენიალური რეჟისორის სხვა ლეგენდარული ფილმების სიას, რომელიც მსოფლიოს კინოკრიტიკოსებმა და კინომანებმა საუკეთესოდ შეაფასეს.
56 წლის ტარანტინო გულშემატკივრების გაოცებას არ წყვეტს, ამჯერად ის ახალ ფილმს გვიმზადებს, რომელიც დიდ ეკრანებზე 26 ივლისს გამოვა.