სანამ ვიქტორია ბექჰემი ახალი კოლექციის გამოშვებითა და საკუთარი Youtube არხის მართვით არის დაკავებული, დევიდ ბექჰემი იდეალური მამის როლს სულ უფრო და უფრო კარგად ითავსებს. 43 წლის ყოფილი ფეხბურთელი თავის კარიერაში, რომ ძალიან წარმატებული იყო ამაში ეჭვი არავის ეპარება, თუმცაღა მისი შვილებისადმი დამოკიდებულება დღითი დღე გვარწმუნებს, რომ ის შვილებისთვის არამხოლოდ კარგი მამა, არამედ უახლოესი მეგობარია. დევიდმა გაზაფხულის მზიანი კვირა დღე შვილებთან ერთად გაატარა და ამის ამსახველი კადრები გულშემატკივრებსაც გაუზიარა.
43 წლის ფეხბურთელი მზიან დღეს შვილებთან ერთად კვადროციკლით სეირნობდა, მასთან ერთად მისი უფროსი ვაჟი ბრუკლინი, 14 წლის კრუზი და 7 წლის ჰარპერი იყვნენ.
ამ მხიარულებას არც ბექჰემების ოჯახის საყვარელი წევრი ოლივი გამორჩენია, ჰარპერთან და დევიდთან ერთად კვადროციკლზე მანაც ისეირნა.
ბექჰემებს ბრუკლინის ახალგაზრდა რჩეული, ჰანა ქროსიც შეუერთდა.