გაზაფხულის მოსვლასთან ერთად, ლონდონში მცოხვრებმა საზოგადოებამ ქუჩაში სეირნობაც დაიწყო, მათ შორის ქეით მოსიც მოხვდა, რომელიც ნოთინგ ჰილის უბანში სეირნობისას შენიშნეს. როგორც ჩანს 45 წლის ბრიტანელი სუპერმოდელი ძველი მეგობრის DJ Fat Tony-ს სანახავად მიდიოდა, ამ შეხვედრისთვის კი მან სადა ჩაცმულობა შეარჩია.

ტოპმოდელმა შავ შარვალსა და ვარსკვლავებიან პერანგს Zara-ს მწვანე ფერის მოსაცმელი, შავი მინიმალისტური ყელსახვევი და ამავე ფერის ტყავის ფეხსაცმელი შეუხამა.

მიუხედავად სადა სტილის ჩაცმულობისა ქეითი როგორც ყოველთვის არაჩვეულებრივად გამოიყურებოდა და სულაც არ ეტყობოდა, რომ წინა დღეს წვეულებაზე იყო.

პაპარაცების ობიექტივში ქეითის მეგობრებიც მოხვდნენ, მათგან ერთ-ერთი კი ქეითის უახლოესი მეგობარი - ტონი მორნაკი იყო, რომელიც ასევე ცნობილია როგორც DJ Fat Tony.

ყავის შეძენის შემდეგ მოდელი ქუჩაში შეხვდა მეგობრებს, რომლებსაც საკმაოდ თბილად შეეგება.