22 წლის თვალისმომჭრელი მოდელი ბელა ჰადიდი მსოფლიოს ყველაზე პოპულარულ მოდის კვირეულებსა და ჩვენებებზე ძალიან ხშირად გამოდის, დანარჩენ დროს კი, ცნობილი ბრენდებისა და ჟურნალებისთვის განკუთვნილ ფოტოსესიებში მონაწილეობს. ამ წარმატებას ბელამ რაღა თქმა უნდა იდეალური სხეულითა და გარეგნობით მიაღწია, რომლის შენარჩუნებაშიც ყოველდღიურად ძალიან დიდ ძალისხმევას დებს. ყოველი ჩვენგანისთვის საინტერესოა რა ხერხებს მიმართავს სუპერმოდელი და როგორ ახერხებს ასეთი ფორმის შენარჩუნებას.
როგორც ყველა მოდელი, ვარჯიშს ბელაც დიდ დროს უთმობს და განსაკუთრებულ მნიშვნელობას ანიჭებს. მოდელი ვარჯიშს 20 წუთიანი შეუჩერებელი სირბილით იწყებს, შემდეგ კი მწვრთნელთან ერთად ბოქსითაა დაკავებული. ამ ყველაფრის შემდეგ კი წონით ვარჯიშობს და აქცენტს უკვე მუცლის პრესის კუნთებზე აკეთებს.
ტოპ-მოდელის მეორე და ასევე უმნიშვნელოვანესი წარმატების საიდუმლო - მოტივაციაა. გარდა ამისა მისი აზრით იმისთვის, რომ სასურველ შედეგს მივაღწიოთ და ჩვენი სხეული მაქსიმალურად მივიყვანოთ იდეალურ მდგომარეობამდე ვარჯიშის დაწყებიდან ბოლო წუთამდე 100 პროცენტით უნდა დავიხარჯოთ.
რაც შეეხება კვებას, მოდელის დღის მენიუ ცილოვან პროდუქტებს მოიცავს, თუმცა დროთა განმავლობაში საკუთარ თავს ცოტაოდენი ცომის ჭამის უფლებას აძლევს.
წონაში დაკლებისთვის ყველაზე ეფექტურ სპორტის სახეობად მოდელი ბოქსსა და Body Ballet-ს მიიჩნევს. "Body Ballet-ის ვარჯიშები მხოლოდ ერთხელ მაქვს პირადად გაკეთებული, თუმცა ნანახი მაქვს მათი წყალობით როგორ შედეგებს მიაღწიეს ჩემმა მეგობრებმა, რომლებიც სისტემატიურად აკეთებენ მათ."
