მობილური ფოტოგრაფია დღითიდღე ვითარდება და ახალ მწვერვალებს იპყრობს. ერთ–ერთი ნათელი მაგალითი კი გახლავთ ფოტოგრაფი ბილი ბილიხოძე და კომპანია Huawei. მათმა კოლაბორაციამ დაგვანახა, თუ რაოდენ დიდი პროგრესი განიცადა სმარტფონის კამერების ახალმა თაობამ.
ახალი ფლაგმანით აღჭურვილი ფოტოგრაფი, რამდენიმე თვის მანძილზე მოგზაურობდა საქართველოს სხვადასხვა მხარეში და მობილური ტელეფონის საშუალებით კადრებად ასახავდა ულამაზეს ადგილებს.
ჟურნალი OK! გთავაზობთ ინტერვიუს ფოტოგრაფ ბილი ბილიხოძესთან და მის საუკეთესო ნამუშევრებს, რომელიც ჰუავეით გადაიღო.
როგორ დაიწყო თქვენი და კომპანია ჰუავეის თანამშრომლობა?
უკვე წელიწადზე მეტია კომპანია ჰუავეისთან ვთანამშრომლობ. ჩვენი ურთიერთობა ძალზედ საინტერესო პროექტით შედგა, რომლის ინიციატორიც თავად ვიყავი და გამიმართლა, რომ მათი გუნდი დამხვდა ძალიან აქტიური, თამამი და მუდამ სიახლეებზე ორიენტირებული.
რამდენად მიმზიდველი აღმოჩნდა თქვენთვის ახალი გამოწვევა „მობილური ფოტოგრაფია“?
მობილურმა ფოტოგრაფიამ მოიცვა ჩემი თავისუფალი დროის უდიდესი ნაწილი, ვცდილობ ტექნიკა ბოლომდე ამოვიცნო და ამოვწურო მისი შესაძლებლობები... რაც თავისთავად უხვად აქვს ჰუავეის ახალ მოდელებს.
მას შემდეგ რაც ფოტოების ხარისხში და ტექნიკურ მონაცემებში დავრწმუნდი, უფრო გამიმარტივდა ამ კუთხით მუშაობა, მუდმივად ვცილობ სხვადასხვა დაბრკოლებებში გამოვცადო და მაქსიმალური მივიღო, რაც არც თუ ისე იოლია, რადგან ამ კონკრეტული ფლაგმანის შესაძლებლობები ყოველთვის მაკვირვებს.
რამდენი ლოკაცია აღბეჭდეთ კადრად და რომელ ფოტოს გამოყოფდით, როგორც საუკეთესოს?
ჩემი და ჰუავეის მოგზაურობამ მოიცვა თითქმის სრულიად საქართველო. 2 კვირის განმავლობაში გავიარე 3000 კილომეტრი და უამრავი ლამაზი კადრის დაფიქსირებაში დამეხმარა, სადაც პროფესიონალური კამერის არც ჩანთიდან ამოღების პირობები იყო, ჰუავეი თავის საქმეს აკეთებდა, ხშირად ვადარებდით სხვადასხვა ტელეფონის კამერებს ერთ მოცემულობაში და ჰუავეი უპირობო ლიდერი იყო.
ერთ-ერთი ულამაზესი კადრი რომელიც გადავიღე და დიდი მოწონებაც დაიმსახურა, იყო სვანეთის გზაზე, წყალში ჩაძირული გვირაბი, რომელსაც ადამიანის გამომეტყველება ეკვეთებოდა.
გეხმარებათ თუ არა ჰუავეისთან თანამშრომლობა განვითარებაში, როგორც ფოტოგრაფს?
ჰუავეი მეხმარება ვიყო ნამდვილად უფრო მობილური, და მაშინ როდესაც თან არ მაქვს ჩემი ძვირფასი კამერა, საამაყო ჩამნაცვლებელით გავაგრძელო სასურველი კადრების დაფიქსირება.
თავად კომპანიის გუნდი კი აქტიურად ცდილობს არ ჩამორჩეს ცხოვრების რიტმს და სულ უფრო და უფრო მეტი სიახლეებით ანებივრებენ მომხმარებელს.
რა დოზით იმოქმედა Huawei–ს მოდელის გამოყენებამ თქვენი შთაგონების წყაროსა და კრეატივზე?
ძნელია უარვყო, რომ ხშირ შემთხვევაში ჰუავეის ტელეფონი მეხმარება უფრო სწრაფად განვახორციელო მიზნები. მისი ორი კამერა უკან იტოვებს სხვა ყველა ტელეფონს და საშუალებას მაძლევს თითქმის როგორც პროფესიონალური კამერა ისე გამოვიყენო.
შეგახსენებთ, რომ Huawei P9 არის პირველი სმარტფონი, რომელიც ფოტოაპარატების ლეგენდარულ გერმანულ ბრენდთან - Leica Camera AG-სთან თანამშრომლობით შეიქმნა. P9 აღჭურვილია ორმაგი კამერით და მობილური ფოტოგრაფიის მოყვარულებს სრულიად განსხვავებულ გამოცდილებას სთავაზობს.
