მთელი მსოფლიო განიხილავს პრინცი ჰარისა და მეგან მარკლის სავარაუდო ქორწინების ამბავს - მათთან დაახლოებული პირები ამბობენ, რომ წყვილი დეკემბერში გეგმავს ქორწილს. მათი სიყვარულის ისტორიის შესახებ ფილმიც კი გადაიღეს: „როგორ შეხვდა ჰარი მეგანს: სამეფო რომანი“, ფილმის შემქმნელებმა განაცხადეს, რომ მათ ძალიან საინტერესო დეტალები იციან წყვილის გაცნობის ისტორიის შესახებ.
როგორც აღმოჩნდა, პრინცი მანამდე დიდი ხნით ადრე იყო მეგანზე შეყვარებული სანამ მსახიობს პირადად გაიცნობდა. საქმე იმაშია, რომ ჰარის სერიალი „ფორს-მაჟორი“ძალიან მოსწონდა, სწორედ ამ სერიალში თამაშობდა მეგან მარკლიც და ჰარი მისით ჯერ კიდევ სერიალის ყურებისას დაინტერესედა.
„ჰარის ერთ-ერთმა ახლო მეგობარმა მითხრა, რომ ერთხელ ჰარის ჰკითხა, თუ ვინ იყო მისთვის იდეალური ქალი, პრინცმა კი უპასუხა: „მეგან მარკლი სერიალიდან „ფორს-მაჟორი“ - იხსენებს ფილმის ავტორი კეტი ნიჩოლსი.
პრინცს სერიალის მთავარ გმირთან შეხვედრა დიდი ხნის განმავლობაში სურდა, საბოლოოდ კი მეგანის მეგობარს მარკუს ანდერსონს სთხოვა გაეცნო მისთვის საკუთარი კუმირი. ერთ-ერთი წვეულებაზე მეგანი ჩაფრინდა ინგლისში, რათა მხარი დაეჭირა სერენა უილიმასისთვის, რომელიც უიმბლდონსკის ტურნირში იღებდა მონაწილეობას, სწორედ აქ გაიცნეს ერთმანეთი ჰარიმ და მეგანმა.
პირველ რიგში ჰარის ყურადღება მეგანის გულწრფელობამ და ბუნებრიობამ მიიქცია, ჰარისთან საუბრისას მსახიობი საერთოდ არ იმჩნევდა, რომ პრინცს ელაპარაკებოდა.
„ის იყო მხიარული, ლამაზი, საკუთარ თავში დარწმუნებული და საერთოდ არ აკომპლექსებდა ის ფაქტი, რომ პრინცს ესაუბრებოდა. თავიდანვე კარგად ჩანდა, რომ მას ჰარი მოეწონა. წვეულების შემდეგ ჰარი გამოუტყდა მეგობრებს, რომ მეგანი ძალიან მაგარი გოგოა“ - ჰყვება კეტი.
ამ ყველაფრის შემდეგ პრინცმა მარკლს კიდევ ერთხელ შეხვედრა შესთავაზა - სწორედ ასე დაიწყო თავბრუდამხვევი რომანი.
