ცხოვრებაში ხშირია შემთხვევები, როდესაც მოგვარებული გვაქვს ყველაფერი - კარიერულად ვვითარდებით, ოჯახში ყველაფერი დალაგებული გვაქვს, სამეგობრო წრეც დამატებით სტიმულს გვაძლევს ბედნიერებისთვის, თუმცა რაღაც მაინც არ არის რიგზე და ვერ ვხვდებით რისი მოგვარებაა საჭირო, რადგან არ ვიცით სად ვეძებოთ პრობლემა. ქვემოთ ჩამოთვლილი რჩევები დაგეხმარებათ შეუმჩნეველი, თუმცა მნიშვნელოვანი პრობლემების მოგვარებაში.

1. ისწავლეთ უარის თქმა

როგორ ბანალურადაც არ უნდა ჟღერდეს ჩვენ ძალიან ხშირად ვეუბნებით ადამიანებს „დიახ“ და თითქმის არასდროს არ ვამბობთ „არას“. ფსიქოლოგები ამტკიცებენ, რომ ეს მარტოსულობისგან არის გამოწვეული, რადგან ჩვენ არ გვსურს ვაწყენინოთ სხვა ადამიანს და ასე შევიძინოთ ან შევინარჩუნოთ მეგობრები. სინამდვილეში კი ნამდვილი მეგობარი ყოველთვის გაიგებს თქვენი უარის მიზეზს და არ განაწყენდება იმაზე, რომ თქვენ საკუთარი არჩევანი გააკეთეთ. თქვენი უარი საერთოდაც არ ნიშნავს, რომ თქვენ ეგოისტი ხართ. საჭიროების შემთხვევაში ადამიანებისთვის უარის თქმა შეაჩვევს მათ, რომ მხოლოდ მაშინ მოგმართოთ როცა ეს მართლა საჭირო და აუცილებელი იქნება და ეგოისტურად არ ფლანგონ თქვენი დრო.

2. ძალიან გადატვირთული გრაფიკი

ბევრი მუშაობა ცხოვრების აუცილებლობაა, თუმცა სამწუხაროდ თქვენი ზედმეტი მუშაობით თქვენი საფულის მოცულობა არ იზრდება. ყველაფრის მოსწრება შეუძლებელია, ამიტომ თუ თქვენ მუშაობთ, სწავლობთ და საღამოობით გართობასაც არ იკლებთ თქვენი ორგანიზმი თავისით გამოვა მწყობრიდან და ნუ გაგაკვირვებთ თავის ტკივილები და ცუდი ფიქრები.
სანამ გვიანი არ არის გაწერეთ თქვენი დღის გეგმა ისე, რომ მისი შესრულების შემდეგ დასვენებისთვის და კარგი ძილისთვისაც დაგრჩეთ დრო.

3. სმარტფონზე დამოკიდებულება

თანამედროვე ცხოვრების პირობებში შეუძლებელია ტექნიკური საშუალებების გარეშე ცხოვრება, ამ ყველაფერმა კი ახალი დაავადება „ვიბრაციის სინდრომი“ შექმნა. ეს დაავადება ადამიანის მუდმივ მოლოდინსა და დაძაბულობაში მდგომარეობს, ჩვენ მუდმივად ველოდებით მნიშვნელოვან ზარს ან გვაინტერესებს, თუ რა ხდება სოციალურ ქსელებში და არ გვსურს გამოგვრჩეს ახალი ამბები ჩვენს ინტერნეტ მეგობრებზე. შესაძლებელია საერთოდაც არ ველოდეთ რაიმე განსაკუთრებულ ზარს, თუმცა ტელეფონი მაინც მუდამ გვიჭირავს ხელში. გადადეთ თქვენი სმარტფონი გვერდზე და მიმოიხედეთ, თქვენს გარშემო არსებული ცხოვრება შეიძლება უფრო ლამაზადაც მოგეჩვენოთ.

4. ქუჩაში ცოტა დროის გატარება

ზამთარში , სიცივის დროს სახლიდან გასვლა თითქმის ყოველთვის გვეზარება, თუმცა ეს არ ძალიან ცუდია თქვენი ჯამრთელობისთვის. მეცნიერები ამტკიცებენ, რომ ნაკლებმა სინათლემ შეიძლება დეპრესიაში ჩაგაგდოთ. გარდა ამისა აუცილებელია სიარული იმისთვის, რომ დახარჯოთ გარკვეული ენერგია და უფრო მშვიდად დაიძინოთ საღამოს. ეს დახარჯული ენერგია სხვა ენერგიას წარმოქმნის. სტრესისა და ემოციური დაღლილობის დროს ფეხით სიარული ან სუფთა ჰაერზე ჯდომა აუცილებელია.

5. ცუდი ფიქრები

ჩვენ ინფორმაციულად ძალიან აქტიურ ეპოქაში ვცხოვრობთ და სოციალური ქსელის თვალიერებისას თუ ტელევიზორის ყურებისას ძალიან ხშირად გვესმის ცუდი ამბავი, რომელიც შეიძლება ჩვენგან ათასობით კილომეტრის დაშორებით მოხდეს, ეს ამბავი კი ჩვენს განწყობაზე ცუდად მოქმედებს. ხშირად გვაწუხებს უძილობა და ვერ ვხვდებით საიდან არის ეს გამოწვეული, თუ კარგად დაფიქრდებით მიხვდებით, რომ უძილობის დროს ჩვენი გონება ცუდი ფიქრებით არის დატვირთული, ამიტომ ყოველთვის ეცადეთ თქვენი ფიქრები მიმართოთ დადებითი ამბებისკენ - გაიხსენეთ სასიამოვნო მოგონებები და ძილის წინ იოცნებეთ რაც შეიძლება მეტი.