კეტი პერისთან დაშორების შემდეგ ორლანდო ბლუმს სერიოზული ურთიერთობა არ ჰქონია. ამ პერიოდის განმავლობაში ტაბლიოდები ხშირად მიაწერდნენ მას სხვადასხვა ქალთან რომანს, ბოლოს ჟურნალისტები აქტიურად განიხილავდნენ ორლანდო ბლუმისა და ხატია ბუნიათიშვილის ურთიერთობას - პაპარაცებმა ისინი ერთად სეირნობისას დააფიქსირეს. თავად ბლუმი საკუთარ პირად ცხოვრებაზე არ საუბრობს, თუმცა რამდენიმე დღის წინ ერთ-ერთ ტელეგადაცემაში ორლანდომ აღნიშნა, რომ მას სურს ჰყავდეს მეუღლე, რომელიც მასზე იზრუნებს. ცნობილმა მსახიობმა ტელეწამყვანის გულსაბნევზე გაამახვილა ყურადღება: „აი! მე მჭირდება ცოლი. შეგიძლიათ დამეხმაროთ ამ საქმის მოგვარებაში? მე ნამდვილად ვეძებ ცოლს - ადამიანს, რომელიც ჩემზე იზრუნებს, რომელიც მსგავს გულსაბნევს მაჩუქებს“ - განაცხადა ბლუმმა.
შეგახსენებთ, რომ მსახიობი სამი წლის განმავლობაში დაქორწინებული იყო სუპერმოდელ მირანდა კერიზე. წყვილი 2013 წელს დაშორდა ერთმანეთს, რის შემდეგაც არაჩვეულებრივი მეგობრული ურთიერთობის შენარჩუნება მოახერხეს და საერთო შვილს ფლინსაც ზრდიან. განქორწინების შემდეგ ორლანდო ბლუმს ნინა დობრევთან რომანს მიაწერდნენ. 2017 წლის დადგომასთან ერთად მსახიობმა ახალი ურთიერთობაც დაიწყო კეტი პერისთან, თუმცა იანვარში გაჩენილი გრძნობა თებერვლის ბოლოს გაქრა და წყვილიც დაშორდა ერთმანეთს.