სუნთქვა, ლაპარაკი, გაღიმება - ეს უმარტივესი მოქმედებები დაგეხმარებათ განწყობის გაუმჯობესებასა და ცხოვრების უკეთესობისკენ შეცვლაში. სტრესისგან გათავისუფლება არც თუ ისე რთულია მაგრამ აუცილებელია იცოდეთ სწორი გზა, თუ როგორ შეხედოთ ცხოვრებას უფრო მარტივად და მიიღოთ სიამოვნება თქვენს მიერ გადადგმული ყოველი ნაბიჯით.

1. გააკონტროლეთ სუნთქვა

რა არის სწორად სუნთქვაზე მარტივი? თუმცა ადამიანთა უმეტესობა სუნთქავს ისე „როგორც მოუხერხდება“. როგორც აღმოჩნდა სწორი სუნთქვა სტრესისგან გათავისუფლებისთვის ერთერთი მთავარი პირობაა. არასწორი სუნთქვა კი პირიქით - ისე დათრგუნავს თქვენს ტვინს, რომ ამას ვერც შემაჩნევთ საბოლოოდ კი შესაძლოა ამ მდგომარეობამ ინფარქტამდეც კი მიგიყვანოთ.
იმისთვის რომ არასასურველი მდგომარეობა თავიდან აირიდოთ მარტივი მოძრაობების გაკეთებაა საჭირო: დაიდოთ ერთი ხელი მუცელზე, მეორე კი მკერდზე, შემდეგ ჩაისუნთქვეთ კარგად და ნელა გაათავისუფლეთ ფილტვები ჰაერისგან. ეს მოძრაობები მომენტალური სტრესისგან სწარფად გათავისუფლებაში დაგეხმარებათ.

2. იყავით თავაზიანი

ამბობენ, რომ თავაზიანობა მთლიან ორგანიზმზე კარგად მოქმედებს. გამოკვლევები აჩვენებს, რომ ჯანმრთელობისთვის ეს მართლაც სასარგებლოა. რა თქმა უნდა, ეს მოტეხილ ძვალს ვერ გაგიმთელებთ, თუმცა სტრესის შემცირებაში ნამდვილად დაგეხმარებათ. საქმე იმაშია, რომ თუ თქვენ შეძლებთ თავი შეიკავოთ ყივირილისგან, სკანდალის მოწყობისგან და უხეში პასუხებისგან თქვენი ორგანიზმი გამოიმუშავებს ბედნიერების ჰორმონს - სეროტონინს. ბედნიერი ადამიანი კი ყველაზე მეტად არის დაზღვეული სტრესისგან. ამას გარდა არ დაგავიწყდეთ იყოთ ის რაც ხართ: შეწყვიტეთ საკუთარი თავის კრიტიკა და ისწავლეთ საკუთარ ორგანიზმთან ისე მოქცევა როგორც მეგობართან და არა მტერთან.

3. გახსოვდეთ წვრილმანები

ყოველდღიური ქაოსიდან გამომდინარე ჩვენ ცოტა დრო გვრჩება წვრილმანებზე საფიქრალად, არადა სწორედ წვრილმანებისგან შედგება ჩვენი ცხოვრება. მიმოიხედეთ გარშემო, სავსებით შესაძლებელია, რომ თქვენი პრობლემები უყურადღებობისგან იყოს გამოწვეული - შესაძლოა სწორედ უყურადღებობის გამო გეგონოთ, რომ დაკარგეთ გასაღები და ამბავზე ძალიან ინერვიულოთ, საბოლოოდ კი ეს გასაღები ისეთ ადგილას აღმოჩნდება, სადაც უბრალოდ არასდროს ინახავთ გასაღებს.

4. შეწყვიტეთ ყავის სმა

როგორც აღმოჩნდა პირველი რჩევა, რომელსაც ფსიქოლოგები საკუთარ კლიენტებს აძლევენ ყავისგან გათავისუფლებაა. მეცნიერებმა დიდი ხანია დაადგინეს, რომ ყავა მუდმივი ღელვის გამომწვევი ერთ-ერთი მთავარი მიზეზია. საქმე იმაშია, რომ ეს სასმელი ახშირებს გულისცემას და ართულებს სუნთქვას. ის მოსაზრება, რომ ყავა დაკარგული ენერგიის აღდგენაში გვეხმარება მხოლოდ გარკვეული დოზით არის მართალი. კოფეინი მართლაც გვეხმარება ტვინის მუშაობის გაუმჯობესებაში და ორგანიზმის საერთო ტონუსის მომატებაში, თუმცა ძალიან მცირე ხნით. კოფეინი ძალიან მალე გამოდის ჩვენი ორგანიზმიდან და შესაბამისად დაღლილობის შეგრძნებაც სწრაფად გვეუფლება.

5. ნაკლებად დაკავდით სხვების პრობლემებით

დიდი რაოდენობის პრობლემების გადაჭრას დაღლილობამდე, სტრესამდე და ნერვულ აშლილობამდეც კი მივყავართ. გარდა ამისა დაღლილობისას ორგანიზმი სუსტდება და მასთან ერთად სუსტება იმუნიტეტი, რამაც შეიძლება სხვადასხვა დაავადება გამოიწვიოს. ასე, რომ იფიქრეთ საკუთარ თავზე, დამერწმუნეთ სამყაროს სჭირდებით მხიარული და ჯამრთელი და არა ჩაშავებული თვალებითა და მუდმივი ცუდი ხასიათით.

6. ხშირად გაიღიმეთ

გაღიმება - ეს ემოციების გაცოცხლებას ნიშნავს, ეს კი თავისთავად კარგია. სრტესულ სიტუაციაში გაღიმება დაგეხმარებათ პრობლემის სხვა კუთხით დანახვაში და სავსებით შესაძლებელია, რომ სწორი გადაწყვეტილების მიღებაშიც კი დაგეხმაროთ. ნებისმიერ შემთხვევაში პრობლემების დადებითი მხრიდან დანახვა ყველაზე სწორი არჩევანია.

7. ისწავლეთ სწორი დასვენება

ბევრი ჩვენგანისთვის სამუშაო კვირა ხშირად გრძელდება დასვენების დღეებშიც, უბრალოდ იცვლება მოქმედების ადგილი - კომპიუტერის ნაცვლად მტვერსასრუტითა და სარეცხი მანქანით „ვირთობთ“ თავს. არავინ დაობს, რომ სახლის დალაგება აუცილებელია, თუმცა ამის გაკეთება სხვა დროსაც შეიძლება. მიეცით თქვენს ორგანიზმს დასვენების საშუალება. ალბათ თქვენს ბიბლიოთეკაში უამრავი წაუკითხავი წიგნი ინახება, უამრავი სერიალი გაქვთ დასამთავრებელი, ან დიდი ხნის ნანატრი ფილმი გამოვიდა კინოეკრანებზე ამის ნაცვლად კი თქვენ სახლის დალაგებითა და საჭმელების კეთებით ხართ დაკავებული. მოუსმინეთ მუსიკას, წაიკითხეთ წიგნები, უყურეთ ფილმებს - ეს მარტივი მოქმედებები დასვენებაში დაეხმარება თქვენს ორგანიზმსა და ტვინს. დასვენების დღეებში მხოლოდ საკუთარ თავს უნდა ეკუთნოდეთ.

8. ჩამოაყალიბეთ თქვენი განრიგი

ისწვალეთ გადანაწილება, ყველაფრის მოსწრება შეუძლებელია. ხშირად ძალიან დიდ დროს ვკარგავთ სწორედ იმაში, რომ არ ვიცით რომელი საქმით უნდა დავიწყოთ დღის გეგმის შესრულება. საბოლოოდ კი აღმოჩნდება, რომ ყველაფრის გაკეთება ბოლო წუთებში გვიწევს, რაც ძალიან დიდ სტრესს უკავშირდება. სწორად გადაანაწილეთ პრიორიტეტები და დაიწყეთ იმ საქმით, რომლის გაკეთებაც ყველაზე მეტად არის აუცილებელი.

9. შეხედეთ ცხოვრებას პოზიტიურად

ბუდისტური სიბრძნე ამბობს: „თუ რაიმეს შეცვლა შეგიძლია სანერვიულო არაფერია. თუ პრობლემის მოგვარება შეუძლებელია, მაშინ ნერვიულობს უბრალოდ არ აქვს აზრი.“ ჩვენ არც თუ ისე დიდი დრო გავქვს იმისთვის, რომ ხანგრძლივ ნერვიულობაზე დავხარჯოთ. ამას გარდა როგორ შეიძლება რამის გამოსწორება, თუ თქვენ ამ დროს ტირილსა და ნერვიულობაში კარგავთ. შესაძლოა ასეთი წინადადება აბსტრაქტულად მოგეჩვენოთ, თუმცა თუ კარგად დაავკირდებით მიხვდებით, რომ ნერვიულობს დროს ჩვენ გადაწყვეტილების მიღება ან გვიჭირს ან არ შეგვიძლია ან ყველაზე უარესი - არასწორ გადაწყვეტილებას ვიღებთ. იმ შემთხვევაში, თუ თქვენ გამოუსწორებელ შეცდომას დაუშვებთ დაფიქრდით, რომ ყველაფერი იცვლება და დღეს შექმნილი პრობლემა ხვალ უკვე წარსულს ჩაბარდება.