ადამიანები დიდ შეცდომას უშვებენ, როდესაც 20-დან 30 წლამდე დროს უაზროდ ფლაგავენ. სინამდვილეში ეს არის ოქროს წლები, როდესაც ცხოვრებაში მნიშვნელოვანი ნაბიჯების გადადგმა უნდა მოასწროთ, რადგან შესაძლოა 30 წლის შემდეგ ამისთვის აღარ დაგრჩეთ დრო.
1. აითვისეთ ბევრი ინფორმაცია
მეცნიერები ამტკიცებენ, რომ 20-დან 30 წლამდე ტვინი განსაკუთრებით აქტიურად მუშაობს. სწორედ ამ პერიოდში შეგიძლიათ აითვისოთ ისეთი უნარები და ინფორმაციები, რომელსაც შემდეგ ვერ შეძლებთ.
რა თქმა უნდა 30 წლის შემდეგ ტვინი მაინც აქტიურად განაგრძობს ფუნქციონირებას, თუმცა არა ისე, როგორც მანამდე. ამიტომ ეცადეთ იკითხოთ რაც შეიძლება მეტი და მიიღოთ სასურველი ინფორმაციები სწორედ ამ დროს.
2. იპოვეთ სასურველი საქმე
ნუ ეცდებით ყველაფრის ერთბაშად მოსინჯვას. მომავალი პროფესიის არჩევას უფრო გულისყურით მოეკიდეთ. რა თქმა უნდა, პირველ რიგში თქვენ უნდა გააკეთოთ საყვარელი საქმე. არ მოუსმინოთ მათ, ვინც გეუბნებათ, რომ ამა თუ იმ საქმით ვერ შეძლებთ საკმარისი თანხის გამომუშავებას და თქვენი საყვარელი საქმე საერთოდ არ არის პერსპექტიული. უსმინეთ მხოლოდ საკუთარ გულს.
ფსიქოლოგები ამტკიცებენ, რომ ადამიანი, რომელიც 9 თვის განმავლობაში აკეთებს იმ საქმეს, რომელიც არ უყვარს ვარდება დეპრესიაში და მისი ტვინი შედარებით პასიურ რეჟიმში იწყებს მუშაობას.
3. აირჩიეთ კარიერა
თუ თქვენ 20-დან 30 წლამდე პერიოდს სხვადასხვა პროფესიებში ბედის მოსინჯვაში დახარჯავთ, ჩათვალეთ, რომ 40 წლის ასაკში უპროფესიოდ დარჩენას რისკავთ. აირჩიეთ ის საქმე, რისი კეთებაც გსიამოვნებთ და დაახარჯეთ მას დიდი ენერგია!
40 წლის ასაკში ინანებთ, რომ კარიერის აწყობა უფრო ადრე არ დაიწყეთ. მოერიდეთ შემთხვევით სამუშაოებს და მაშინვე აირჩიეთ ერთი პროფესია.
4. აირჩიეთ ცხოვრების მეგზური
არსებობს ხუთი ძირითადი ფაქტორი, რომელიც ამ ათწლეულში ჰორმონალური კავშირის ჩამოყალიბებაში გეხმარებათ. წყვილების შესაქმენლად აუცილებელია, რომ ამ ხუთი ფაქტორიდან 3 მაინც ემთხვეოდეს თქვენი მეორე ნახევრისას. ამ ფაქტორებს დიდ ხუთეულსაც უწოდებენ.
5. დაქორწინდით
ქორწინება ყველაზე მნიშვნელოვანი მოვლენაა ადამიანის ცხოვრებაში, თუმცა ამაზე ცოტა ვინმე თუ საუბრობს.
არსებობს მოსაზრება, რომ ოჯახის შექმნა კარგია რაც შეიძლება გვიან, რადგან მანამდე ბევრი რამის მოსწრება შეძლოთ. ზოგიერთები ამბობენ, რომ ადრეულ ასაკში დაქორწინებული წყვილების უმრავლესობა ერთმანეთს შორდება. დიახ, ეს მართალია თუმცა იმ შემთხვევაში თუ ნაადრევ ასაკს 20 წელზე ადრე მიიჩნევთ. 25 წლის შემდეგ კი არ არსებობს მკვეთრი სტატისტიკა ქორწინების ასაკსა და განქორწინებებს შორის. თუმცა ფაქტია: 30 წლის შემდეგ ძალიან რთულია ვინმესთან გულწრფელი ურთიერთობის დაწყება, რადგან ამ დროს ადამიანი უკვე კარგად არის ჩამოყალიბებული და ერთგვარ ვაკუუმს ქმნის, რომელიც სხვა ვაკუუმთან თანხვედრაში რთულად მოდის.
6. გააჩინეთ ბავშვები
რა თქმა უნდა, თანამედროვე მედიცინა გვაძლევს საშუალებას რომ შვილი 30 წლის შემდეგაც გავაჩინოთ, თუმცა 30 წლის შემდეგ ნაყოფიერების დონე უფრო მცირდება ადამიანის ორგანიზმში. შვილის გვიან გაჩენამ შესაძლებელია მშობიარობის დროს გართულებებიც კი გამოიწვიოს.
7. გარისკეთ
რა თქმა უნდა, ცხოვრების რადიკალურად შეცვლა ნებისმიერ ასაკშია შესაძლებელი. ამის გაკეთება არც 50 წლის და 60 წლის ასაკში იქნება დაგვიანებული, თუმცა თუ კარგად დავაკვირდებით ცნობილი ადამიანების ცხოვრებას, შევამჩნევთ, რომ მათ ყველაზე გამართლებულად სწორედ 20-დან 30 წლამდე პერიოდში გარისკეს. მნიშვნელოვანი მოვლენების 80% ჩვენს ცხოვრებაში 35 წლამდე ხდება, შემდეგ კი ყოველდღიურობა უფრო და უფრო მშვიდდება.
8. დაკავდით თვითგანვითარებით
არ დაგენანოთ საკუთარი თავისთვის დროისა და ძალის გამონახვა. რაც შეიძლება მეტი ინვესტიციები ჩადეთ საკუთარი თავის განვითარებაში. რა თქმა უნდა ახალი ფეხსაცმელები არაჩვეულებრივი რამ არის, მაგრამ სინამდვილეში რა მნიშვნელობა აქვს ახალია თუ არა ისინი, თუ მათთან ერთად პარიზში სეირნობ?
დასაწყისისთვის კი საკუთარ თავს დაუსვით კითხვა: რამდენი დრო დაუთმეთ ამ თვეში წიგნებს?
9. დაკავდით თვითგამორკვევით
ამბობენ, რომ კარგი მმართველის მთავარი ღისება მდგომარეობს იმაში, თუ რამდენად კარგად ერკვევა ის საკუთარ თავში. ცხოვრება ბევრად უფრო გაგიადვილდებათ, თუ 30 წლამდე მიიღებთ პასუხს კითხვაზე: „ვინ ვარ მე სინამდვილეში?“
დამერწმუნეთ, ეს ის შეკითხვაა, რომელსაც თქვენ მთელი ცხოვრების მანძილზე დაუსვამთ საკუთარ თავს, ამიტომ უმჯობესია, რომ ეს რაც შეიძლება მალე გაარკვიოთ. ერთადერთი რჩევა: ხანდახან იმისთვის, რომ გაარკვიოთ „ვინ ხართ“, უნდა იცოდეთ „ვინ არ ხართ“, ამიტომ არ გააკრიტიკოთ საკუთარი თავი ძალიან მკაცრად, როდესაც თქვენს ცხოვრებაში თვითგამორკვევის დრო დადგება.
10. იყავით პასუხისმგებლიანი
პასუხისმგებლობა - ეს ყველაზე მნიშვნელოვანი ღირსებაა, რომელიც თქვენ გამოგადგებათ. პერსონალური პასუხისმგებლობა იწყება მაშინ, როდესაც თქვენი ცხოვრება მხოლოდ თქვენზე ხდება დამოკიდებული. იმ შემთხვევაშიც კი თუ თქვენ რაიმე უსამართლობას წააწყდებით, ყოველთვის გაქვთ არჩევანის უფლება, თუ როგორ უნდა მიუდგეთ ამ პრობლემას. იყავით საკუთარი ცხოვრების ბატონ-პატრონები!
წყარო: Marie Claire