ტყუპების გაჩენიდან ოთხი თვის შემდეგ ბიონსე პირველად გამოჩნდა წითელ ხალიჩაზე. 36 წლის პოპ-დივა ნიუ იორკში საქველმოქმედო კონცერტს დაესწრო, სადაც მისი მეუღლე ჯეი-ზი გამოდიოდა. საქველმოქმედო საღამო ქარიშხლების „ირმა“ და „ჰარვი“ მიერ დაზარალებულთა დასახმარებლად ჩატარდა.

ამ დღეს ბიონსე სცენაზე არ გამოჩენილა, მაგრამ პრესის ფოტოგრაფებთან პოზირებას მაინც დათანხმდა. ოფიციალური გამოსვლისთვის მომღერალმა Walter Mendez-ის ზურმუხტისფერი კაბა ჩაიცვა, რომელსაც ბეწვის ლილისფერი მოსასხამი შეუხამა. ვარსკვლავმა არჩევანი ბრჭყვიალა აქსესუარებზე შეაჩერა - მომღერალმა ოქროს საყურეები და კრისტალებიანი ქლაჩი მოირგო. საღამოსთვის ბიონსემ ბუნებრივი მაკიაჟი არჩია, თუმცა აქცენტი გლუვ, ნათელ კანზე მაინც გააკეთა.