სასტუმრო "რუმსში" გამართულ პრესკონფერენციაზე, "ბლექ სი არენას" დირექტორმა, ანი კავლელიშვილმა, "ისტერნ პრომოუშენსის" წარმომადგენელმა ეკა კუპრეიშვილმა და გორის ქალთა კამერული გუნდის ხელმძღვანელმა თეონა ცირამუამ ქეთი მელუას 23 ივლისს დაგეგმილი კონცერტის შესახებ ისაუბრეს.

"ბლექ სი არენას" დირექტორმა აღნიშნა, რომ ბილეთების გაყიდვა უკვე დაწყებულია და ამ დროისთვის 1500–მდე ბილეთია გაყიდული.

ქეთი მელუას კონცერტის გამართვის იდეა, "ბლექ სი არენას" ხელმძღვანელობასთან ერთად, "ისტერნ პრომოუშენსს" ეკუთვნის. ზაფხულის დღესასწაული" – ასე ეწოდება შოუს, რომლითაც ქეთი მელუა ქართველი მაყურებლის წინაშე წარსდგება. ქეთი მელუას აკომპანირებას ინგლისური ბენდი (თიმ Hარრიეს – ბასგიტარა, Mარკ Eდწარდს – კლავიში, შიმონ Lეა – დასარტყამი ინსტრუმენტი, Pაულ შაყერ – გიტარა) გაუწევს. სპეციალური მოწვევით, კონცერტში მონაწილეობას მიიღებს გორის ქალთა კაპელა.

გორის ქალთა გუნდთან ერთად ჩაწერილი ალბომიდან შესრულდება ყველა სიმღერა, გარდა საშობაო კომპოზიციებისა, ხოლო იმ სიმღერებს, რომლებსაც ევროპულ ტურნეში ასრულებდნენ, ძირითად პროგრამაში გადმოინაცვლებს.

რაც შეეხება ბილეთებს – მათი შეძენა შეგიძლიათ საიტზე ტკტ.გე. ფასები 20-დან 120 ლარამდე მერყეობს.