22 აპრილს, დედამიწის საერთაშორისო დღესთან დაკავშირებით, საქართველოს პრემიერ-მინისტრის ინიციატივით, გარემოსა და ბუნებრივი რესურსების დაცვის სამინისტრო დასუფთავების მასშტაბურ აქციას იწყებს, რომელიც საქართველოს ყველა რეგიონს მოიცავს.
„მართალია ღონისძიება იწყება 22 აპრილს, დედამიწის საერთაშორისო დღეს, მაგრამ ამით არ დასრულდება და მსგავსი სახის აქციები მოეწყობა თვეში ერთხელ მთელი ქვეყნის მასშტაბით. დღეისათვის 530–მდე ლოკაციაა შერჩეული მუნიციპალიტეტების მიერ მთელი ქვეყნის მასტაბით და 22.000–ზე მეტი ადამიანია მობილიზებული, რომლებიც ასეთი სახის ღონისძიებაში მონაწილეობის სურვილს გამოთქვავენ“. – აცხადებს საქართველოს გარემოსა და ბუნებრივი რესურსების მინისტრის მოადგილე ეკატერინე გრიგალავა
შაბათს 10 საათზე ყველა მოხალისეს შეუძლია შეუერთდეს მიმდინარე აქციას. თბილისის მახლობლად არის შერჩეული ლოკაციები – ლისის ტბის მიმდებარე ტერიტორია და ასევე რეგიონალური სტრუქტურების წარმომადგენლები იმუშავებენ გომბორის გზის გასწვრივ, სადაც მოხალისეებს შეეძლებათ აღიჭურვონ პირველადი მოხმარების ნივთებით.
დამატებითი ინფორმაციისთვის დაუკავშირდით გარემოსა და ბუნებრივი დაცვის სამინისტროს ცხელ ხაზს ნომრით - 153
