რეჟისორი დევიდ ლინჩი ლეგენდარული სერიალის „თვინ პიქსი“ თიზერში ფუნთუშას მიირთმევს. ამ გზით ლინჩმა საკუთარი გმირის, დაზვერვის აგენტის გორდონ კოულის დაბრუნება დააანონსა.
ახალი სერიალის პრემიერა 2017 წელს არხზე Showtime შედგება. ლინჩის პერსონაჟის გარდა სერიალში კაილ მაკლაჰენის გმირს, აგენტ დეილ კუპერსაც იხილავთ.
მანამდე, The Guardian-მა გვაცნობა, რომ სერიალში მონიკა ბელუჩი და დევიდ დუხოვნიც ითამაშებენ, მოგვიანებით მსახიობების სრული სია გამოქვეყნდა. გადაღებებში მონაწილეობას 217 ადამიანი იღებს და მათ შორის არიან ნაომი უოტსი, ჯიმ ბელუში, ამანდა საიფრიდი, ეშლი ჯადი და სხვები.