“ატა-ში” მომხმარებელს სთავაზობს ინდივიდუალურად შექმნილ, გამორჩეულ და მაღალი ხარისხის საბავშვო ტანისამოსის მუდმივად განახლებად კოლექციას. იგი ყოველთვის ანებივრებს პატარებს თავისი საბავშვო ტანისამოსის ხაზით და მომავალშიც განაგრძობს მათთვის მრავალი სიახლის შეთავაზებას. OK! პირადად გაესაუბრა “ატა-ში”-ს დამფუძნებლებს.

გვიამბეთ თქვენი ბრენდის დაარსების ისტორია.

ბავშვობის მეგობრებს დიდი ხნის განმავლობაში გვსურდა შეგვექმნა საინტერესო და ქართული პროდუქცია, რაც ბედნიერებას მოუტანდა მათ, ვისთვისაც იქნებოდა იგი განკუთვნილი, მუშაობის პროცესი კი ჩვენთვის იქნებოდა სასიამოვნო. სწორედ ამ მიდგომით მივედით ბავშვებამდე, რადგან თითოეული მათი დადებითი ემოცია ჩვენთვის დიდი ბედნიერება და განვითერებისთვის მამოტივირებელი ძალაა.

რა სახის პროდუქციას სთავაზობს “ატა-ში” მომხმარებლებს?

“ ატა-ში” მომხარებელს ამ ეტაპისთვის სთავაზობს ყოველდღიურ, კომფორტულ და ხარისხიან სამოსს. ჩვენი ტანისამოსი იქმნება მხოლოდ მაღალი ხარისხის მასალისგან და მორგებულია 0-8 წლამდე მომხმარებელზე. აღსანიშნავია ისიც, რომ თითოეული მათგანი იქმნება ინდივიდუალურად. ჩვენი კონცეპტი არის, რაც შეიძლება ახლო და უშუალო ურთიერთობა თითოეულ მომხმარებელთან.

რა არის ის მთავარი ნიშა, რაც “ ატა-ში”-ს გამოარჩევს სხვა ბრენდებისგან?

უპირველეს ყოვლისა, უნდა აღინიშნოს ჩვენი პროდუქციის თანხვედრა მის სახელთან. რაც ნიშნავს იმას, რომ შეგიძლიათ მოარგოთ ბავშვებს ჩვენი სამოსი და წაიყვანოთ ისინი „ატა-ში“. ასევე დიდი ყურადღება ექცევა სტილსა და ხარისხს,  რასაც ხშირად აღნიშნავენ მომხმარებლები და ბოლოს, ყველაზე მნიშვნელოვანი მომხმარებლის სურვილებიაა, რასაც ძალიან ფაქიზად ვეპყრობით.

სად შეუძლიათ მომხმარებლებს “ ატა-ში”-ს პროდუქციის შეძენა?

ამ ეტაპისთვის ჩვენი პროდუქციის შეძენა შესაძლებელია ონლაინ მაღაზიაში, instagram და facebook გვერდების საშუალებით.

ბრენდის სამომავლო გეგმები.

გვაქვს ძალიან საინტერესო და ორიგინალური იდეები, რომელთა განხორციელებისთვის ქმედითი ნაბიჯები  უკვე გადადგმულია. როგორც უკვე აღვნიშნეთ, ჩვენი პროდუქცია მუდმივად განახლებადია. სიახლეების შესახებ კი ჩვენი მომხარებელი შეიტყობს facebook და instagram გვერდების საშუალებით უახლოეს მომავალში.